Asturies suma otra xornada ensin contaxos

Hai que llamentar 3 muertes el miércoles.

Cuatro díes depués, Asturies torna a vivir una xornada ensin contaxos. Na actualización de datos últimos de la pandemia de COVID-19, fecha ayeri de tarde colos del día anterior, nun se rexistró nengún positivu por PCR tres el procesamientu de 1.518 pruebes.

Por contra, 3 persones perdieron la vida, polo que'l númberu de muertes pola enfermedá causada pol coronavirus SARS-Cov2 asciende a 307. Mentes, diéronse 61 altes epidemiolóxiques que dexen el total de curaos en 1.375.

No que respeuta a les persones ingresaes, hai una menos na UCI (15) y 2 en planta (50).