La campaña ‘Asturies, tas faciéndolo bien’ incorpora l’asturianu y el gallego-asturiano a los vídeos

Na nueche del xueves estrenóse’l primer videu de la campaña ‘Asturies, tas faciéndolo bien’, qu’echó a andar el sábadu, y esti vienres la versión en gallego-asturiano. La pieza audiovisual principal de la iniciativa asoleyóse finalmente esta xornada.

Un videu informando sobre los detalles de la fase 1, a cuatro díes de pasar a la fase 2, foi’l primeru n’asturianu de la campaña d’información y sensibilización ciudadana de la desescalada qu’entama’l Gobiernu pa estes selmanes. Espublizóse anueche, cuatro díes depués de la versión en castellanu, mentes que la de gallego-asturiano xubióse a les 14 hores de güei.

Darréu, sobre les 15 hores, llegó la versión n’asturianu del vídeu principal de la campaña que se comenzó a difundir hai güei ocho díes. Ésta ye la que se ta sintiendo principalmente en medios de comunicación estos díes, a la espera de si va emitir tamién la versión asturiana.

Otra manera, la llingua del Eo-Navia tamién se sumó a la cartelería col lema ‘Asturias, tas féndolo ben’. ‘Asturias, fuche todo un exemplo. Agora imos seguir féndolo ben’ y ‘É taaan fácil que los imos fer ben’ son los testos que pueden lleese.