El sábadu Asturies rexistró la segunda xornada ensin contaxos

|

Esta fin de selmana hebo 10 positivos por PCR, 7 el vienres y 3 el domingu.

Depués de que'l miércoles se rexistrara la primer xornada ensin contaxos dende'l 3 de marzu, cuando se diera'l segundu de la serie del andanciu de COVID-19, el sábadu la Conseyería de Salú tornó a comunicar l'ausencia de casos nuevos. El total hasta'l momentu ye de 2.369 por pruebes de PCR, mentes que por test anticuerpos asciende a 985 tres acumular 25, 17 y 7 nos díes últimos.

El númberu de pacientes ingresaos na UCI, con datos actualizaos a les 20 hores d'ayeri, ye de 23, mentes qu'en planta hai 60. Les curaciones algamen yá les 1.063 tres sumar 2 el vienres y el domingu, y 6 el sábadu.

No que respeuta a les muertes, nun se consiguen frenar entovía, con 7 esta fin de selmana: 3 el vienres, y 2 el sábadu y el domingu.

Contador Estadistiques