La evaluación de la candidatura 'Cultura Sidrera Asturiana' a Patrimoniu Inmaterial retrásase al añu qu'entra

|
Botella de sidra

Yera una posibilidá mui factible pola cantidá alta de candidatures presentaes y finalmente confirmóse. La candidatura 'Cultura Sidrera Asturiana' a Patrimoniu Cultural Inmaterial va evaluase l’añu qu’entra nel periodu nuevu, polo qu’habría qu’esperar a los dos meses últimos del 2024 pa confirmase l'esperáu reconocimientu.

El secretariu de la Convención pa la Salvaguarda del Patrimoniu Cultural Inmaterial confirmó ayeri a la embaxada d’España énte la Organización de las Naciones Xuníes pa la Educación, la Ciencia y la Cultura (UNESCO) esta situación. Una vegada analizaes les propuestes formales presentaes, la oficial del Estáu, la de la cultura sidrera asturiana, queda fuera pola norma que da pasu namái a 55 candidatures, con prioridá pa la d’aquellos territorios que cuenten con menos elementos yá reconocíos como patrimoniu cultural inmaterial.

Esto nun supón que la sidra quede fuera de la carrera, sinón que namái la retrasa. Cada estáu tien derechu a qu’ún de los sos espediente s’analice cada dos ciclos, polo que va ser en xunu del 2023 cuando evalúe la de la cultura sidrera asturiana.

De ser aceptada entamaría un procesu d’análisis de la mesma pa ser ratificada o non nos dos meses últimos del 2024, cuando aconceye’l Comité Intergubernamental de Salvaguarda del Patrimoniu Inmaterial. “Yera esperable que fora evaluada nel ciclu siguiente, teniendo en cuenta qu’España yá cuenta con otres declaraciones. Por ello vamos siguir trabayando y apoyando a un sector y una tradición que son pegollos na configuración de la identidá asturiana”, apuntó Pablo León, direutor xeneral de Cultura y Patrimoniu, llueu de conocer la comunicación.

Contador Estadistiques