El CEAG abre'l cursu con una conferencia sobre la Edá del Fierro y arqueoloxía castreña

Va ponela Ángel B. Villa, del Muséu Arqueolóxicu d'Asturies, en Lluanco.

El Centro de Estudios del Alfoz de Gauzón (CEAG) dedica la conferencia inaugural del cursu académicu 2022/2023 a la Edá del Fierro y l'arqueoloxía castreña. Asina, ésta lleva'l títulu de 'Una aproximación a la arqueología de la Edad del Hierro "in territorio Gauzone" y su entorno: los asentamientos fortificados'.

L'actu, nel que collabora tamién el Real Instituto de Estudios Asturianos (RIDEA), va tener llugar esta tarde nel salón d'actos del Muséu Marítimu d'Asturies a les 18.30 hores, con entrada llibre hasta completar aforu, y va correr a cargu de Villa. L'arqueólogu va falar sobre la importancia de les ríes cantábriques pa la navegación y el comerciu pela prehistoria, de los llamativos asentamientos castreños sobre'l frente marítimu y de la perduración de dalgunos d'ellos como residencia de xente poderoso hasta tiempos de la monarquía asturiana.

Na semeya, castru Punta'l Castiellu, en Podes, dende l'aire.