Patrimoniu, cultura, arte, gastronomía, música y mundu rural axúntense en Piloña nesta iniciativa de La Granja Lab y Puru Remangu alredor d'esti bien mueble.

‘La bastarda de Pelayu’ ye la estrena como novelista de Xon de la Campa. Conocíu poles sos ilustraciones, l’últimu ganador del Alfonso Iglesias de cómic presenta una obra “d’espada y bruxería nel principiu de la monarquía asturiana” na que busca "desmitificar" la figura de Pelayu, que presenta esti xueves na Librería Cervantes.

Esta selmana RTPA renovó la imaxe de la páxina web y de les sos redes sociales, un cambiu que “nun supón una visibilidá mayor de les llingües que por llei RTPA ta obligada a protexer”. Por esti motivu, y pola falta d’avances nel usu del asturianu, la Xunta pola Defensa de la Llingua Asturiana (XDLA) reclama a los partíos “qu'empiecen el procesu pa cambiar la direición” del ente.

Les clases grupales van ponese en Llaviana y Llangréu esti cursu pa dellos instrumentos.

El X Día de la Reciella, que va tener llugar el sábadu 7 d’ochobre nel Muséu del Pueblu d'Asturies, recupera la carrera ‘Entaína’, na qu’una familia pasa de manera simbólica ente los sos miembros el testigu que simboliza la tresmisión xeneracional del asturianu. ‘Reciella. Families pol Asturianu’ homenaxa nesta ocasión a la familia Barbón, de Llaviana.

L’avilesín Xosé Anxelu Gutiérrez Morán conviértese na segunda persona en ganar dos de los Premios Lliterarios nun mesmu añu, fechu que namái algamara Berta Piñán na convocatoria del 2017. Depués de llevar el XXIX Premiu Xuan María Acebal de poesía con 'Les hores de lluz', fíxose tamién merecedor del XVI Premiu María Josefa Canellada de lliteratura infantil y xuvenil con ‘Contando colos deos’.

El Plenu d’Investidura d’Alberto Núñez Feijóo como presidente del Gobiernu del Estáu sigue’l guión previstu. El popular algamó los 172 votos previstos na primer votación, na que necesita mayoría absoluta (176), y entama a correr el tiempu, dos meses de plazu, pa que Pedro Sánchez alcuerde l’apoyu de Junts y ERC que pasa pola amnistía.

Lydia Espina retrucó asina na Comisión de la Xunta Xeneral a Javier Jové, diputáu de VOX, que la calificara de "funcionalmente inútil".

Los títulos pueden solicitase n'empréstamu al Serviciu de Normalización Llingüística.

La Conseyería d’Educación nun tien constancia d’errores en llibros de testu nel tratamientu de la realidá llingüística d’Asturies magar que tolos entamos de cursu apaecen casos espuestos por padres o docentes. Lydia Espina nun fixo referencia al idioma o la especialidá docente na so comparecencia, na qu'avanzó que nel 2024 van abrir les primeros centros de 0 a 3 años de titularidá autonómica.