El Conceyu de Xixón edita'l "Pallabreru del fútbol" pa popularizar la llingua asturiana y el so usu cotidianu

|

L'Ayuntamientu de Xixón presentó la publicación del "Pallabreru del fútbol" editáu pola Oficina Municipal de la Llingua de la Conceyalía de Cultura Tradicional y Política Llingüística. El responsable del área, l'edil Jesús Montes Estrada destacó na so intervención el "esfuerzu" que dende hai dos años fai'l so departamentu "de tirar por coses que tienen que ver cola llingua y la cultura asturiana".
 
"Van faciéndose coses, anque de xuru que tovía son poques polo que se quier trabayar más", aseguró'l conceyal, que tuvo acompañáu pola alcaldesa, Paz Fernández Felgueroso, el conceyal de Deportes, José Ramón Tuero, el popular futbolista Enrique Castro, 'Quini', y responsables de la federación de fútbol.

   Montes Estrada señaló que'l 'pallabreru' contién términos n'asturianu que se dixeron nel 'argot' del fútbol que se xugó na comunidá, incluyendo dalgunos insultos suaves y hasta "cariñosos" que "formen parte de la realidá d'esti deporte n'Asturies", tales como "maizón, matáu o gochunegru", comentó.

   De la mesma manera, tanto Montes Estrada como l'alcaldesa tuvieron pallabres de recuerdu a la relevancia del Sporting de Xixón na historia de la ciudá. Al respeuto, Felgueroso reseñó que la obra tien "muncha gracia" y valoró la iniciativa de Montes Estrada p'averar la filosofía popular del fútbol y tentar "de que nun se pierda esti pallabreru". Amás, agradeció la presencia de 'Quini' y la so participación na composición de la publicación.

Comentarios

Nun sé qué ye lo que-y fai tanta gracia a la Sra. Felgueroso. Podía dase un paseín pel Molinón y ver l'estáu de ruina nel que lu tien l'ilustre ayuntamientu xixonés. Igual eso tamién-y fai muncha gracia. 
Por cierto, nun quiero escaeceme del diariu El Comercio, nun informando de nada que tenga que ver col asturianu una vez más.

Contador Estadistiques