El sindicatu USIPA denuncia que l’Ayuntamientu de Xixón ye’l máximu culpable nel casu de discriminación llingüística, “yá que la funcionaria nun tenía la formación necesaria”.

Pa la Unión de Sindicatos Independientes del Principáu d’Asturies, l’Ayuntamientu caga la so responsabilidá sobre una trabayadora que nun tenía la formación pa desenvolvese nesa situación.

La RPA estrena “Batura”, un microespaciu cultural n’asturianu presentáu por Vanessa Gutiérrez. Mientres qu’otros espacios onde usen l'idioma camuden el so horariu d'emisión.

El Centru Diamantina Rodríguez entamó la inscripción de los sos primeros cursos; ún de cantu a cargu de la Mapi Quintana y un taller de poesía na canción asturiana col escritor Xuan Bello.

El 60% de los llectores d’Asturies.com camienta que les pallabres n'asturianu del nuevu Arzobispu d’Uviéu, Jesús Sanz Montes, van quedar nun fechu aislláu.

Namás el 40% tienen enfotu en que l’usu del asturianu de manera simbólica nel so nomamientu seya’l futuru pa un mayor enfotu cola llingua dende la xerarquía católico.
 
Asturies.com abre güei un nuevu Conceyu Abiertu pa que los llectores puean amosar la so opinión.

L’Asamblea de Caerdydd, el parlamentu autónomo galés, tendrá a partir del 10 de febreru capacidá llexislativa sobre la llingua propia ensin necesidá de l'aprobación de Londres.

La Reina d’Inglaterra, Isabel II, sancionará la llegada d’estes competencies a Gales el 10 de marzu, depués de dos años y mediu y l’aprobación de los estamentos llexislativos galeses y británicos.

Asturies.com ufre a los llectores una esbilla de les actividaes d’ociu de la nuestra axenda pal fin de selmana, destacando’l teatru n’asturianu y la música en direutu.

La Xunta Moza empobina “Declara’l to amor pola llingua”, onde encamienten pensar una frase, eslogan o microrelatu pa convertise n’imaxe de campañes de reivindicación.

El Secretariu Xeneral del Bloque por Asturies, Roberto Colunga, estrenóse güei como diputáu activu del grupu parlamentariu IU-BA-Los Verdes, y  fíxolo n’asturianu.

“Chueve” de Brandal, “El dinamiteru” de Dixebra, “El mio sitiu” de Lafu&Rebeca, “La casa’l mieu” de Misiva y “Tierra” de Xera son los cinco finalistes pal Premiu al Meyor Cantar 2010.

La Direutora Xeneral de Política Llingüística, Consuelo Vega, presentó güei a los cinco grupos nominaos, nuna rueda de prensa celebrada na Casa de Cultura Teodoro Cuesta de Mieres, onde’l 20 de febreru va celebrase tamién la gala onde se sabrá’l finalista.