El Parllamentu catalán refugó esti miércoles la enmienda del PP contra'l proyeutu de llei del aranés, que quier fomentar y protexer esta llingua y garantizar el drechu a usala.

Les fuercies de seguridá enfrentáronse colos grupos de la oposición con motivu de los actos celebraos en Teherán pa conmemorar el 31 aniversariu de la Revolución Islámica.

L’asociación maliaya La Compaña del Ronchel espubliza güei la quinta edición d’El Fumiacu, periódicu d'antroxu, "que busca la risa sobre temes llocales y d'actualidá”.

El videoclip n’asturianu ta dando nos últimos tiempos reblagos, un xéneru que permite a los músicos dase a conocer y a los creadores audiovisuales esperimentar con llinguaxe y imaxes.

El Conseyu de Gobiernu acordó solicitar a Coxersa un informe sobre los datos realtivos al plan de choque, el reciclaxe y les soluciones técniques en materies de tratamientu de residuos.

L’Asociación d’Asturianos en Bruxeles unvió una carta al presidente del Principáu pa encamenta-y que trabaye pol restablecimientu de los vuelos cola capital europea.

El Bloque por Asturies súmase a la concentración convocada pa mañana pola plataforma d’apoyu a Pepe El Ferreiro, que tendrá llugar a les 19.30 énte l'edificiu de Presidencia.

El direutor xeneeral de Capsa, José Armando Tellado, esplicó que "dientro del consumu de lleche, Central Llechera  acabó l'añu encabezando el ranking, con una cuota de mercáu del 14".

Los sidros de Valdesoto, los reixes de Valledor y Tormaleo, los zamarrones de Carreño y otros grupos, van participar esti sábadu nel desfile de les III Mazcaraes d'Iviernu de Valdesoto.

Ye l'actu col qu'acabarán estes terceres xornaes qu'entamarán yá'l vienres con una programación presentada ayeri nel Ayuntamientu de La Pola Siero.

San Sebastián acoyerá los díes 18 y 19 de febreru, un conseyu de la rede pa la Promoción de la Diversidá Llingüística, na que pondrán en común esperiencies sobre llingües minotitaries.