Roberto Colunga estrénase como diputáu activu

El Secretariu Xeneral del Bloque por Asturies, Roberto Colunga, estrenóse güei como diputáu activu del grupu parlamentariu IU-BA-Los Verdes, y  fíxolo n’asturianu.

Colunga foi l’encargáu de tresmitir nel parlamentu la posición del so grupu sobre la so proposición non de llei del Partíu Popular sobre la reanudación de la esplotación de la Ciudá de Vacaciones de Perlora.
 
El diputáu asturianista dixo que’l PP taba proponiendo “la vieya receta de privatizar lo públicu cuando va bien ya invertir dineru nél cuando va mal, hasta que se puea privatizar”.
 
Asina, Roberto Colunga comparecía públicamente dientro de la Xunta Xeneral per primer vez, depués de qu’ayeri prometiera llealtá a la Constitución y al Estatutu, tomando asina posesión del so acta como diputáu en sustitución de Francisco Javier García Valledor.