El grupu La Tarrancha nun actuará esta nueche na espicha de la sidrería Tierra Astur, en Cualloto, como taba previsto. Nel so llugar, tocará'l grupu de folk Duerna.

Tres les votaciones celebraes a lo llargo de xineru, nes que participaron 53 blogues n’asturianu, la comunidá bloguera escoyó a “El Xanu’l Caborniu” como la meyor páxina de 2009.

El Conceyu de Gobiernu alcordó que los actos oficiales del Día d’Asturies de 2010 celébrense nel conceyu oriental de Ribesella, siendo’l duodécimu conceyu qu’acueya los actos.

El Garrapiellu y el Foru Arte Ciudá vienen d’amosar el so sofitu al fundador del Muséu de Grandas y piden la so restitución, “énte esta amuesa de despreciu de la cultura asturiana”.

El Bloque dixo qu’Areces desconoz quien forma’l Gobiernu, "porque'l Bloque ye nacionalista", y eso amuesa una “necesidá imperiosa” del so relevu al frente del Executivu.

TPA2, la segunda canal de la televisión pública, tuvo una audiencia en xineru del 0,6%. Sicasí, los responsables de l’autonómica señalen que ye un bon rexistru.

La segunda canal, qu’emite la programación de la TPA una hora depués, algamó’l pasáu dos de febreru, el so meyor rexistru en martes; un 1,1% d’audiencia. Mientres qu’en xineru quedó con un 0,6%
 
Según los responsables de la pública trátase de too un llogru, yá que TPA2 “asítiase per delantre de la suma de toles locales d’Asturies”, qu’obtuvieron un 0,3%.

Esperanza pol usu del asturianu nel so primer actu y cautela polo que vendrá depués. Esta ye la opinión mayoritaria de les fontes consultaes por Asturies.com sobre’l nuevu Arzobispu.

Ana Rosa Migoya dixo que la decisión sobre la incineradora yá taba tomada “y nun hai que dar más vueltes”. Sicasí, el Bloque recordó-y qu’esi tema nun entra nel pautu de gobiernu.

Xeira ta acabantes d’espublizar el discu “Dixebra. Versióis eonaviegas”, onde’l grupu de rock fai cuatro versiones del so últimu discu, "Amor Incendiariu", na llingua del Navia-Eo.

Manaña xueves a les 12 hores preséntase nel Hotel Principado d’Uviéu'l centru TERMAST, una nueva ferramienta pa que los usuarios vayan proponiendo y aceptando términos n'asturianu.