Declara'l to amor pola llingua

La Xunta Moza empobina “Declara’l to amor pola llingua”, onde encamienten pensar una frase, eslogan o microrelatu pa convertise n’imaxe de campañes de reivindicación.

Los trabayos tienen que tar vinculaos col tema de la convocatoria. Pueden tar escritos en prosa o versu y la obra ha ser inédita. Ha presentase l’orixinal, escritu n’asturianu, firmáu con nomatu, y hai que lu acompañar cola plica correspondiente onde tienen que figurar los datos del autor. La estensión máxima ha ser de 160 caracteres, mecanografiaos o manuscritos per una sola cara y perfectamente lleíbles.
 
El plazu de presentación de trabayos acaba’l trece de febreru de dos mil diez a les 20:00 hores. Una comisión formada por militantes de Xunta Moza va escoyer les diez meyores obres y éstes van esponese en La Casa Posafuelles ente los díes catorce (San Valentín) y diecinueve (Día Internacional de la Llingua Materna) de febreru. Ellí van ser los veceros y les veceres quien voten la obra ganadora, ente los díes catorce y diecinueve.
 
La obra premiada va lleese públicamente nun actu cultural que se va facer en La Casa Posafuelles, el día venti a les 00:00 hores, el ganador recibirá un premiu únicu dotáu con un llote de productos de Xunta pola Defensa de la Llingua Asturiana y Xunta Moza.. Los trabayos han presentase nun buzón instaláu en La Casa Posafuelles [Cuesta la Vega 10, Uviéu] o per corréu electrónicu a la dirección de Xunta Moza [amorpolallingua@gmail.com]