El primer ministru israelín, Benjamin Netanyahu, afirmó qu'Israel va siguir construyendo en Xerusalén de la mesma manera que lo fizo mientres los últimos 42 años.

El 78,5% de los vascos d’Iparralde (País Vascu francés), votó esti domingu a favor de la creación d'una coleutividá territorial propia na consulta simbólica entamada pola plataforma Batera.

Los nacionalistes corsos consiguieron un resultáu históricu nes eleiciones rexonales franceses d’esti domingu, doblando'l porcentaxe de votos que llograron nos comicios del 2004.

Les autoridaes franceses prohibieron esti llunes la prensencia del abogáu y del médicu de la familia na autopsia que se va a practicar al cuerpu del miembru d'ETA Jon Anza.

Coles mesmes, según informaron fontes del Movimientu pro Amnistía, la Policía francesa cargó contra unes 80 persones que se rexuntaron ante l'Hospital de Toulouse y qu'intentaron entrar al tanatoriu onde va facese l'autopsia d'Anza, en conociendo la prohibición de la entrada del médicu y del abogáu de la familia.

El sportinguista Juan Pablo convirtióse nel héroe xixonés al parar un penalti del Atlhetic, empatando los dos equipos y quedando’l Sporting con 32 puntos.

La Coordinadora d'Asamblees d'Estudiantes de la Universidá, dixo que se-y volverá "escuchar" si "ésti o cualquier otru criminal de guerra visita Uviéu", en referencia a Aznar.

Les consultes sobre la independencia lleguen mañana al País Vascu francés, onde 122 de los 159 conceyos van entrugar si tán a favor de la "creación d'una coleutividá territorial vasca".

En declaraciones a Europa Press, el diputáu d'ERC nel Parlament y miembru de la Coordinadora Nacional para la Consulta sobre la Independencia, de Uriel Bertran, indicó que les consultes fadrán esti domingu y el domingu 21, coincidiendo cola celebración de les eleiciones rexonales franceses.

Según el comité d’empresa, la fuelga convocada en RTPA foi siguida pol 70% de los trabayadores convocaos. Mientres que dende la direición del Ente afirmen que foron 11 persones.

El presidente del Principáu d'Asturies señaló qu'esiste voluntá d'acuerdu pal trespasu de competencies del Parque Natural de Picos d'Europa y aseguró que les "dificultaes puen vencese".