L'ex guitarra de Los Berrones, Tante Blanco, presentará esta nueche en 'Rockmería', de la RPA, el so nuevu proyeutu, Stroza, una banda de rock, acabante de publicar el so primer discu.

El presentador del espaciu rafiofónicu, Xune Elipe, entrevistará al veteranu músicu de Tolivia nel so programa, qu'entamará a emitise de magar les 00.00 hores pela radio autonómica asturiana.

91 palestinos firíos y 60 deteníos son el resultáu de los disturbios qu'entamaron esti martes en Xerusalén. Tamién foron firíos14 policíes israelinos, ún d'ellos d'un tiru na mano.

Faustino Zapico señaló que la non almisión a trámite del recursu de casación, amuesa la “chambonada” que fixo'l Principáu y encamienta a asumir responsabilidaes.

El Movimientu pro Amnistía fixo un llamáu a salir a la cai güei y nos próximos díes col envís de "denunciar la guerra sucia y la represión" pola muerte del miembru d'ETA Jon Alza.

El Departamentu d'Interior prohibió ayeri les concentraciones anunciaes pa güei en rellación cola muerte del miembru d'ETA Jon Anza, en previsión de la comisión de delitos d'allabancies del terrorismu o alteraciones del orde públicu.

Los grupos del PSOE, PNV, ERC y IU-ICV sofitaron la moción de Nafarroa Bai qu’encamienta a les comunidaes autónomes a revisar les emisiones radiofóniques n’involuntaria irregularidá.

“L’asturianu va vali-yos a los escolinos como una llave pa esfrutar y valorar la rica creación musical, lliteraria o teatral que s'espresa nesta llingua”, apuntó Consuelo Vega.

Repsol tendrá qu’invertir 2,46 millones añales nos próximos tres años na busca d'hidrocarburos na mariña d'Asturies, onde topó "nicios razonables" de la esistencia de recursos.

Esti requisitu apaez recoyíu nuna orde ministerial del Ministeriu d'Industria publicada esti miércoles nel Boletín Oficial del Estáu (BOE), nel que s'establecen les condiciones y los detalles de la prollongación escepcional de los permisos d'esploración na zona mientres tres años por nicios d'hidrocarburos.

El Ministeriu de Cultura, la Conseyería de Cultura y Turismu del Principáu, la Ilesia y los conceyos van roblar un conveniu pa sacar alantre'l primer pautu pol Prerrománicu Asturianu.