La manifestación yá ta en YouTube
|
11 Mayu, 2010 por Damián Barreiro
- Inicie sesión o rexístrese pa espublizar comentarios
El realizador candasín Pablo A. Quiroga, cronista audiovisual del movimientu de reivindicación llingüística, yá xubió a YouTube un videu sobre la manifestación del Día de les Lletres.
La convocatoria, celebrada’l pasáu vienres 7 de mayu, entamó na Estación del Norte d’Uviéu y espurrióse hasta les puertes del Teatru Campoamor. Na mesma, participaron unos 5.000 persones.
El realizador candasín fixo un montaxe coles imaxenes de la manifestación, dende los preparativos de la Xunta pola Defensa de la Llingua hasta’l comunicáu final delantre del Teatru Campoamor, llugar onde l'Academia de la Llingua diba celebrar la so Xunta Estraordinaria añal.
El videu pue vese en dos versiones, una col cantar de Dixebra ‘Quiero ser ferro’, del discu de versiones n’eonaviegu, y otru col soníu de ‘Las ḷḷaranxas de Balsera”, del grupu Dual y con lletra del Padre Galo.
Efrén d'Andrés
Lo + visto de la selmana
