El 37,5% de los representantes nos Conceyos son muyeres

Asturies ye la sesta comunidá autónoma con mayor presencia femenina nos Conceyos, con un 37,5%, más de siete puntos perriba de la media estatal, cifrada nun 30,5%.

Asina lo recueyen los datos del Rexistru de Representantes Eleutos del Ministeriu de Política Territorial consultaos per Europa Press.
   
Per delantre d'Asturies figuren les ciudaes autónomes de Ceuta y Melilla, con una representación femenina del 44 y del 40%, respeutivamente, siguíes pola Comunidá de Madrid, con un 38,76% de muyeres conceyales, y per Canaries, con un 38,32% de presencia femenina nos consistorios.
  
Con porcentaxes semeyantes a Asturies tán les comunidaes d'Andalucía (37,85 por cientu), Murcia (37,23%), Baleares (36,02%), Comunidá Valenciana (35,06%) y País Vascu (35,05%),  mientres qu'a nos últimos puestos tán Castiella y Lleón y Aragón, con un 22,84 y un 23,12%, respeutivamente.