Flamencu pa les nueches de la TPA

Rafael Amargo, Pitingo, Mónica Molina, Manolo Carrasco, José Mercé o Juan Carmona, “y grupos asturianos”, son los interpretes que van participar nel nuevu espaciu de TPA.

La canal pública estrena güei, llunes 5 de xunetu, n'horariu de madrugada l'espaciu ‘La hora de la música’, un programa que va ufiertar actuaciones, conciertos y vídeu-clips d'intérpretes “de tolos estilos musicales”.

Con esti nuevu programa, que va emitise sobre la 1:00, TPA suprime la carta d'axuste que s'emitía a diariu mientres dos hores y media ente les 03:30 y les 06:00. Según indiquen dende la pública, Rafael Amargo, Pitingo, Mónica Molina, Manolo Carrasco, José Mercé o Juan Carmona, “y grupos asturianos”, son los interpretes que van participar nel espaciu.

Estos cambeos de la programación nocherniega ‘non stop’ completen la parrilla cola que la cadena autonómica empecipió les sos emisiones el 9 de xunu de 2006, “y refuerza el so compromisu con una ufierta d'actualidá, información y entretenimientu”.