Skontra asoleya’l so tercer discu, “Mazcando miseries”

El grupu de punk-folk Skontra acaba sacar el so tercer discu,  'Mazcando Miseries', que va tar disponible en tiendes esta mesma selmana, y va presentase en directo n'Asturies a primeros del 2011.

Skontra, veterana formación asturiana de punk rock, que cultiva un estilu streetpunk entemcíu colos raigaños de la música tradicional asturiana, saca agora a últimos del 2010 el so nuevu discu que, igual que los anteriores, ye autoxetionáu, pero que nesta ocasión cuenta cola collaboración de les productores asturianes Algamar Producciones y Xunca Records.
  
Na páxina web del grupu www.skontra.net podemos atopar dos de los cantares qu'inclúi esti discu: 'Nel mio carcel' y 'Santana'.

Presentación n’Europa
La banda acaba de tornar d'una xira polos Paises Baxos y Alemaña xunto a la banda holandesa Circle J, no que foi un adelantu de la xira que tán diseñando de cara a la presentación estatal d'esti nuevu trabayu.

El trabayu discográficu, qu'inclúi 11 temes, recuperando algún clásicu de la primer maqueta del grupu, grabóse en Corvera nos estudios TUTU, cola producción musical de Sergio Rodríguez, y nél collaboraron dellos músicos de la escena asturiana.