Rubalcaba, sobre la Llei Sinde: "el Gobiernu va volver intentalo"

|

El vicepresidente primeru del Gobiernu y ministru del Interior, Alfredo Pérez Rubalcaba, y en referencia al refugu per parte del Congresu de la llei Sinde, aseguró el pasáu xueves que "el Gobiernu va volver intentar".

"Nun hai país seriu nel mundu que puea permitise nun tener protexía la propiedá intelectual", dixo’l dirixente socialista.
  
Nesti sen, anunció que nes próximes selmanes van buscar un consensu "que nun llogramos les selmanes pasaes", reconoció. "Creo que lu llograremos, anque nun ye nada fácil", señaló'l vicepresidente primeru del Gobiernu na so comparecencia tres el Conseyu de Ministros.
  
"Vamos ver si d'esta derrota parlamentaria, que lo foi, llogramos sacar un consensu, que lu hai, pa regular la nuesa propiedá intelectual", señaló Rubalcaba, pa quien el Gobiernu creó una llei equilibrada" onde se garantiza l'actuación xudicial".
  
"Nun se trata de persiguir a naide; nun s'atenta contra la llibertá d'espresión de naide, simplemente tratamos de regular la propiedá de la xente que crea n'España", argumentó'l vicepresidente primeru del Gobiernu.
 

Contador Estadistiques