El procesu de creación d’una noticia falsa contra l’asturianu, lo más visto del 2018 n'Asturies.com

Entramos nel 2019 y, como ye vezu, repasamos les informaciones más vistes n’Asturies.com mientres el 2018. ‘Asina se fabricó una noticia falsa (más) contra l’asturianu’, depués de la difusión nel dixital Okdiario d’una denuncia pública de la inesistente Plataforma Educación en Asturias, foi la que xeneró más interés.

La ‘fake new’ o noticia falsa dio’l saltu a otros medios como La Gaceta y se trató nel programa ‘La Tarde’, de Cadena COPE, como si fora verdá, llegando a ser tamién citada por periodistes como Hermann Tertsch falen. Ésta afirmaba que na materia de Cultura Asturiana de primeru de la Educación Secundaria Obligatoria (ESO) –asignatura que nun esiste nesti ciclu educativu– de un “instituto de Gijón” obligábase al allumnáu a lleer el llibru ‘Faer Asturies. La política llingüística y la construcción frustrada del nacionalismu asturianu (1974-1999) de Patrick W. Zimmerman, tratando de venceyar asina la llingua asturiana col nacionalismu “radical” asturianu.

Na información esplícase tol procesu de cómo se creó y espardió esta noticia inventada y desatápase la so falsedá. Un exemplu más d’una realidá, el de les fake news, llamentablemente cada día más común y con más influencia na sociedá d’anguaño, hasta’l puntu de poder llevar a decantiar unes eleiciones democrátiques.

Nesta llista que sigue va poder conocer los otros nueve artículos más lleíos del 2018 al tiempu que-y desamos un perbón 2019 nel qu'Asturies.com va continuar siendo fiel a la cita diaria cola información d'Asturies y del mundu.

1. Asina se fabricó una noticia falsa (más) contra l’asturianu
2. La campaña de respuesta a Casado llegó a más de 5 millones d’usuarios, convirtiéndose na primer tendencia del Estáu
3. Un estudiu amuesa una coincidencia xenética na Península marcada pola espansión de los reinos medievales
4. “La nueche del Intercélticu de Llan de Cubel y los escoceses Dallahan promete ser espectacular”, anuncia Casas
5. L'alcalde de Siero recomienda a escolinos deprender inglés "meyor" que pallabreru asturianu
6. Portugal ausente de les celebraciones del centenariu de Cuadonga
7. Asturies faló: "¡Oficialidá!"
8. Profesor "que vive del castellanu" nun ve problemes en vivir del asturianu (o otru idioma)
9. El Conseyu d’Europa diz que la oficialidá ye un elementu de reactivación económica
10. Carlos Cuesta califica de "aldeanismo" la defensa del asturianu