Asina se fabricó una noticia falsa (más) contra l’asturianu

Nestos tiempos que cuerren de noticies falses o ‘fake news’, que pueden ayudar a ganar eleiciones na principal potencia económica y militar del planeta, l’asturianu nun se llibra d’esta murnia epidemia. Estos díes vimos un bon exemplu de cómo se creó una información más d’esti calter que tuvo difusión en medios estatales.

Tamos falando d’una supuesta llectura obligada del llibru ‘Faer Asturies. La política llingüística y la construcción frustrada del nacionalismu asturianu (1974-1999) de Patrick W. Zimmerman na materia de Cultura Asturiana de primeru de la Educación Secundaria Obligatoria (ESO) “en un instituto de Gijón”, que nun se llega a nomar en nengún momentu. Una noticia falsa que nun se sostién per nengún llau, yá que ‘Cultura Asturiana’ ye una asignatura que namái se da en Primaria, esto ye, en colexos y non n’institutos.

Sicasí, el bilordiu tuvo una difusión descomanada, llegando a protagonizar espacios en prensa dixital y radio estatales. Asina se creó y espardió esta noticia inventada:

1) La Plataforma Educación en Asturias, una entidá que namái ye una cuenta de Twitter onde se fai de menos a la llingua asturiana y a los sos falantes y (na que s'espublicen tweets como "es lo que quieren hacer con nuestro hijos. La cooficialidad no es el fin, es la herramienta. Pero no lo van a lograr. Por encima de nuestro cadaver" y axunten semeyes venceyaes a grupos terroristes,) inventa que s’obliga a lleer un llibru sobre’l nacionalismu asturianu nun institutu ensin identificar, nuna materia, Cultura Asturiana, que nun esiste siquiera nesi ciclu nos institutos asturianos.

[ÚLTIMA HORA: El responsable de la cuenta desveló güei que toles informaciones son falses, que la plataforma nun existe  y que la so intención yera trolear a los sectores radicales contra la oficialidá del asturianu, cuando la creó hai dos años.]

Hoy el hijo de uno de nuestros miembros acaba de llegar del instituto con este libro, la clase entera está obligada a leerlo.

La asignatura es Cultura Asturiana, la falsa optativa que ofrecen a "Llingua".

Una clase de 1° de ESO de un instituto de Gijón. HAY QUE PARARLO YA. pic.twitter.com/6bRldn9RJh

— Plataforma Educación (@PlatEducAst) 17 de enero de 2018

2) La Plataforma contra la Cooficialidad y el Club de los Viernes, dos grupos de persones que conparten miembros y tán dirixíos por candidatos de la formación nacionalista Vox, con planteamientos ultraderechistes, esparden la noticia en Twitter y Facebook.

Los políticos no respetan la educación de nuestros hijos! Los quieren manipular cuando todavía son niños para obtener en el futuro un ejército de borregos adoctrinados que no sepan decidir por sí mismos! https://t.co/hdkkI93QvV

— CdV_Asturias (@CdV_Asturias) 17 de enero de 2018

3) El diariu dixital Okdiario da la noticia como real, ensin contrastala. La Gaceta fai lo mesmo y el programa ‘La Tarde’, de Cadena COPE, o periodistes como Hermann Tertsch falen d’ella como si fora verdá.

La cooficialidad es la excusa, la batasunizacion es el objetivo

Alumnos de 12 años de Gijón obligados a leer un libro sobre Asturias como nación diferente de España https://t.co/5q0Kdq12le

— Contra Cooficialidad (@CooficialidadNo) 18 de enero de 2018

¡Ya vale de ofensas! ¡Ya vale de atentados y de perseverar en lo peor! https://t.co/wkcJaAeHMR

— Hermann Tertsch (@hermanntertsch) 18 de enero de 2018

4) La noticia falsa que s’utiliza p’atacar a la llingua asturianu, al venceyala col nacionalismu "radical" asturianu y a un delirante supuestu adoctrinamientu de la reciella n’Asturies, llega a miles de persones que queden con esi mensaxe.

Sicasí, un bon númberu d'usuarios en Twitter y Facebook esplicaron cómo ésta yera una noticia inventada ensin xacíu nengún. Depués vendría la confirmación de la falsedá pela parte del creador de la falsa plataforma.

Cómo nace una "fake new" aquí en directo pic.twitter.com/HkpggOuHG0

— Lordo (@LordoLordor) 17 de enero de 2018