Profesor "que vive del castellanu" nun ve problemes en vivir del asturianu (o otru idioma)

|
Opinión de Pedro Menéndez en Facebook sobre videu del PP

Califica de "error gravísimu" l'ataque del PP y recuerda qu'hai xente que vive "¡hasta del llatín!" Y a naide-y paez mal, ¿non?".

Un videu contra l'asturianu difundíu ayeri pol PP en redes sociales, al más puru estilu 'fake news', xeneró una respuesta negativa xeneral por parte de los usuarios. Nél acusábase a los partidarios de la oficialilidá, ente otres munches coses, de querer "vivir del bable".

Ente les reaiciones destacó la de Pedro Menéndez, maestru de Lengua Castellana del xixonés colexu Inmaculada, que nel so perfil en Facebook calificó de "error gravísimu" la postura del PP de "oponese a la oficialidá del asturianu, porque convierten a les llingües nuna cuestión ideolóxica, que ye lo qu'esautamente faen siempre los nacionalismos". Darréu retruca precisamente al argumentu de querer vivir de la llingua asturiana, que critica con ironía entrugándose "¿Ónde ta'l problema? Yo llevo trenta y pico años viviendo del castellanu y naide cuestionómelo nunca. Y, por supuesto, tengo amigos que viven del inglés, del francés, del alemán y ¡hasta del llatín! Y a naide-y paez mal, ¿non?, conclúi.

Contador Estadistiques