Blogs

Xune Elipe. Conceyal de Somos Avilés.

El vienres 6 de mayu salimos otra vegada a la cai pa reclamar la oficialidá del asturianu. La primer gran manifestación pol asturianu tuvo llugar un 22 de xunu de 1976 en Xixón, embaxo’l lema “Autonomía rexonal. Bable nes escueles”. Cuarenta años más tarde, l’asturianu ta nes escueles de forma precaria, l’autonomía nun foi la ferramienta que s’esperaba pa salvaguardar ya impulsar hacia’l futuru a la nuesa llingua y la nuesa cultura.

De madreñes (1)

De madreñes (2)

Nestos enllaces de riba comentaba delles coses sobre les madreñes. Sigo con ello col enfotu de conocer d’au son les madreñes que tán nel muséu holandés de Zaanse Schans y que compartí equí.

https://www.facebook.com/photo.php?fbid=411850125670692&set=pcb.41185032...

Hai dos sitios públicos n'Asturies, que yo conoza, onde pueden vese unes collecciones curioses de madreñes.

Entérome, con pena, qu’acaba fallecer Paco Mori. Na prensa vien recoyida la so vida y actividaes profesionales, y tamién que “militó” na organización Unidá Nacionalista Asturiana (UNA) Pero Paco Mori fizo dalgo más que militar, nesa organización.

HOME, QUITA P’ALLÁ, CUANDO SE VIÓ, UN HOME CULTU COMO ÉL…

Cuantes vegaes, los “bien pensantes” ponín a Xovellanos como exemplu d’adelantáu en too, y que por ello nun escribía n’Asturianu, que yera una llingua del pasao que nun tenía valir, y munchu menos pa deprendelo na escuela. Si Xovellanos nun falaba d’ello ye que nun valía pa nada. 

En cuantes sal en periódicu una noticia sobre’l campu, yá se ta oyendo’l cantar de que los pueblos tán morriendo, que los paisanos tán en víes de desaniciu y que too eso ye culpa de los ecoloxistes y de los políticos que tienen gana d’acabar colos pueblos y coles formes de vida tradicionales, que son amás les que supieren conservar Asturies asina de guapina y de verde como ye.

Bono, sepa vusté que ye mentira. Los paisanos nun tán en víes de desaniciu; yá tán estinguios. Yá nun hai paisanos. Y los pueblos tán morriendo equí; y n’Alemaña y n’Italia.

Un 25 d’agostu de 1889, nel pedióricu semanal La Comedia Gijonesa, aparecía na portada una caricatura del afamáu poeta asturianu Teodoro Cuesta tocando la gaita. Nel númberu de la semana siguiente, Teodoro dedicó-yos un poema a los autores d’esti cartafueyu, Tarfe y Pepe. Compártolu.
La Comedia Gijonesa, Xixoniega, dicía Teodoro, entamó a editase’l 31 de marzu de 1889 empobinada por Ataulfo Friera Canal, Tarfe, a los testos, y Pepe Prendes Pando, colos debuxos. La editorial LLibros del pexe reeditara los númberos nel añu 2001. Tamién pueden vese nesti enllace.

Yá hai munchos años que’l fútbol dexó de ser pa los aficionaos. Bono, sí, tovía sigue siéndolo, pero sólo p’aquellos de salón que paguen por ver los partíos per televisión, seguramente siguiendo a dalgún de los equipos nomaos ‘grandes’. Ye pa lo que la LFP trabaya, por muncho que Javier Tebas diga lo contrario. Un exemplu nuevu de lo que poco pinten los aficionaos nel fútbol actual ye l’ataque que tán viviendo los siguidores del Sporting esta selmana por parte del Celta ensin que nengún organismo moviera entovía un deu.