De madreñes (1)

Dani García de la Cuesta's picture

Hai dos sitios públicos n'Asturies, que yo conoza, onde pueden vese unes collecciones curioses de madreñes. Un ye'l Muséu de la Maera, en Beneros, Casu, http://redmeda.com/web/…, y otra nel Muséu de Grandas de Salime, el de Pepe'l Ferreiru. http://www.museodegrandas.es/…/15-13-madrenas-galochas-y-z…/,
El de Casu tovía nun pude dir velu, intentélo dalguna vegada y la cosa nun tá fácil. Nesti intre, por problemes de perres pa contratar xente que lo lleve, tá piesllau, y hai que llamar a la casa conceyu pa quedar y que manden a daquién pa poder entrar. El de Grandas, afortunadamente, ya lu visité unes cuantes vegaes. Les dos collecciones tán mui bien, y hai que dar les gracies y reconocer el trabayu d'Alfonso Fernández Canteli, autor del monográficu: La madreña: tipología y distribución en el norte español, de 1987, que collaboró colos museos pa qu'estes colecciones seyan una rialidá. Darréu van unes semeyes de dientro de los dos museos coles colecciones, y otra cola que vos propongo un xuegu, a ver que sal. ¿D'ónde vos paez que son les madreñes que salen na primer semeya, d'Asturies, de Galicia, de Cantabria, de LLión....?.¿Seremos a reconoceles?

 

De madreñes
Muséu la Maera, Beneros, Casu, Asturies
Muséu la Maera, Beneros, Casu, Asturies
Muséu la Maera, Beneros, Casu, Asturies
Muséu de Grandas de Salime, Asturies
Muséu de Grandas de Salime, Asturies
Contador Estadistiques