El Conceyu de Xixón suspendió unes clases de toréu pa neños previstes na playa de San Llorienzu pal pasáu 12 d’agostu. Esti tipu d’actividaes cuenta col refugu del 91 por cientu de los usuarios d’Asturies.com que participaron nel nuesu ‘Conceyu Abiertu’.
Tres la espublización nel BOPA del sábadu de los decretos toponímicos de Valdés y Santu Adrianu, los nomes de llugar tradicionales d’estos dos conceyos pasen a ser los oficiales. A diferencia d’otres poblaciones importantes, Ḷḷuarca tien namái denominación asturiana.
La revista de la Fundación Belenos, ‘Asturies, memoria encesa d’un país’, algama’l númberu 34. Nacida en payares del 1996, esta espublización recueye artículos d’interés de temática variada venceyaos a la cultura asturiana.
Con motivu del décimu aniversariu de la organización y del octoxésimu de la Revolución d'Ochobre, Darréu recupera'l conciertu 'Asturies nun escaez'. Avientu podría ser la sorpresa de la cita, que va tener como sede Uviéu.
L’uviedín afincáu en Vaḷḷouta, Miguel Ángel Gómez García, resultó ganador del XXI Premiu de Poesía ‘Fernán Coronas’ Padre Galo. El xuráu del gallardón escoyó la so obra ‘Nun me preguntes cómo pasa’l tiempu’ como la meyor de les presentaes a concursu.
Cinco años pasaron dende l'actuación última de Dixebra nel Festival Interceltique de Lorient, onde la banda asturiana ye bien reconocida. Esti vienres protagoniza, a partir de les 22 hores, el 'Fest Rock' nel Espace Marine.
Nel nuesu enfotu por continuar ameyorando Asturies.com, nesta dómina nueva sumamos la estaya ‘Videos’, onde vamos intercalar videos d’interés, yá sían producciones propies d’Asturies.com TV o esternes. Nesta primer entrega ufrimos ún de los cantares del discu nuevu de Skama la Rede.
Belén Fernández, conseyera de Fomentu, Ordenación del Territoriu y Mediu Ambiente, presentó’l martes na Feria Internacional de Muestres d’Asturies (FIDMA) el plan de meyora del aire de Xixón y Carreño. Pa la Coordinadora Ecoloxista d’Asturies trátase d’un “timu”.
Gaza vive la segunda xornada d’alto al fueu, pero la buelga de cuatro selmanes d’ataques por parte del exércitu israelín ye contundente. Un 90 por cientu de los usuarios d’Asturies.com considera un xenocidiu l’aición d'Israel.
Depués de que sía posible usar Android en llingua asturiana al traviés de la ROM de CyanogenMod, bien pronto va facese lo propio col sistema Ubuntu Phone. Ésti va tar na cai ente setiembre y ochobre col asturianu ente los idiomes a escoyer.