Asturies.com TV va ufrir toles selmanes un videu d'interés sobre música y cultura asturiana

Nel nuesu enfotu por continuar ameyorando Asturies.com, nesta dómina nueva sumamos la estaya ‘Videos’, onde vamos intercalar videos d’interés, yá sían producciones propies d’Asturies.com TV o esternes. Nesta primer entrega ufrimos ún de los cantares del discu nuevu de Skama la Rede.

Ésti llámase ‘Avante’ y supón el cuartu álbum d’estudiu de la banda asturiana, que mañana actúa nel Chiringuito Las Dunas de Verdicio a les 22 hores, tres l’actuación de la Orquesta Naval de los Nervios (prevista pa les 19 hores), con entrada gratuita. Nesti trabayu, Skama la Rede caltién el so espíritu combativu y folixeru, como amuesa’l tema ‘Primaveres’ qu’abre esta estaya d’Asturies.com tres el cambiu de diseñu de la páxina

L’oxetivu de ‘Vídeos’ ye ufrir toles selmanes una videu d’interés, alternando los de producción propia d’Asturies.com TV con otros esternos, yá sían musicales, de cultura asturiana, llingua o tradiciones. Siempre cola intención d’ameyorar la esperiencia de les visites al nuesu portal de noticies, fiel a la so cita cola actualidá asturiana dende l’añu 1997.