L’axencia de comunicación B. Alto Creativos estrena catálogu editorial cola espublización del ‘Llibru de desasosiegu’, traducción al asturianu d’ún de los clásicos de la lliteratura portuguesa del sieglu XX: el ‘Livro do Desassossego’, del lisboeta Fernando Pessoa. Henrique G. Facuriella ye’l responsable de la torna.

Con 21 votos a favor, 4 astenciones de los ediles de Foro y un únicu votu en contra, el Plenu del Conceyu d’Uviéu aprobó l’usu del asturianu na TUA, la empresa pública de tresporte urbanu. La selmana pasada yá recibiera’l vistu bonu de la Comisión d’Economía y Interior.

La torna de la Biblia al asturianu, aniciada nel 1989, nun va quedar nun caxón. Ramón d’Andrés dio l’anuncia del enfotu de la Sociedad Bíblica de finar esti “proyeutu xigantescu” como homenaxe a Federico González-Fierro Botas. Foi nel actu dedicáu a la memoria del xesuita dientro de La Vagamar.

Una moción presentada por IX a la Comisión d’Economía y Interior del Conceyu d’Uviéu sobre l’usu del asturianu nel tresporte urbanu salió alantre colos votos de PP y PSOE, y l’astención de Foro. Iniciativa pol Asturianu quexóse n'agostu pola ausencia del idioma tres el cambiu de les llinies.

La tan demandada especialidá de Llingua Asturiana da un pasu más hacia la so creación. El Conseyu Escolar Estatal, nel que ta representada tola comunidá educativa, dio’l so preste a esti avance, lo que significa un sofitu perimportante de cara a l’aprobación definitiva por parte del ministeriu.

Los usuarios d’Asturies.com consideren que sería positivu pal idioma un contautu mayor ente les diferentes comunidaes llingüístiques del dominiu asturlleonés. Un 90 por cientu cree que l’actual ye insuficiente.

El presidente del Gobiernu estatal, Mariano Rajoy, anunció na mañana del martes la retirada del anteproyeutu de la Llei del Albuertu encargáu a Alberto Ruiz-Gallardón argumentando una “falta de consensu”. Namái va modificase la necesidá del consentimientu paternu pa les menores.

El pueblu escocés dixo non a la independencia d'Alba del Reinu Xuníu al sumar esta opción el 55,3 por cientu de los votos nel referéndum celebráu'l xueves. La participación algamó'l 84,48 por cientu y la diferencia ente'l 'sí' y el 'non' foi de 383.937 votos.

DARRÉU ta entamando una nueva campaña de denuncia de la situación que vive una parte de la mocedá asturiano, obligada a emigrar a la gueta d’un futuru dignu fuera d’Asturies.

La formación folk-fusión va tocar el próximu añu nel Getxo Folk y nel Folkez Blai tres vencer nel concursu de grupos del festival folk de Ermua

Había seis bandes escoyíes y Vrienden fueron los ganaores. La moza formación asturiana de folk-fusión-alternativu contaxó a públicu y xuráu na novena edición del Folkez Blai, un de los eventos folk más importantes del País Vascu que celébrase añalmente n'Ermua (Bizkaia).