El Sporting fracasó nel intentu por tornar a Primera tres nun ser quien a marcar en 180 minutos a Las Palmas, que sigue na llucha pol ascensu tres aprovechar dos regalos xixoneses. El Llangréu va decidir la so eliminatoria en Ganzábal.
Éire ye’l país convidáu del Festival Arcu Atlánticu, polo que les Xornaes Lliteraries qu’entama L’Arribada dientro’l certame van centrase nes lletres d’esti país de raigaños celtes. Ente les actividaes destaca un homenaxe a la lliteratura en gaélicu.
Los 63 documentos sonoros que conformen el ‘Atlas Sonoru de la Llingua Asturiana’, dividíos en cinco volumes, yá se pueden consultar n’Internet. El Muséu del Pueblu d’Asturies ta acabante de colgalos na web de REDMEDA.
La ‘Terminoloxía del fútbol’, ellaborada por David Fernández Fernández, ye la propuesta última de TermAst. Ésta presentóse esti miércoles nel llar de l’ALLA con un actu que contó con una representación del Sporting y del Uviéu.
El Llangréu podría celebrar l’ascensu a Segunda División B en Ganzábal si ye quien a superar al Mérida Asociación Deportiva, rival que-y tocó nel sortéu del llunes. En Segunda A, el Sporting viaxa a Las Palmas pa xugar el primer choque del play-off.
L’Avilés nun supo caltener la ventaya de dos goles del partíu d’ida énte un Llagostera fechu a la midida del so campu y diz adiós al ascensu a Segunda División A. En Tercera, l’UP Langreo eliminó al Haro y l’UC Ceares tuvo opciones.
L’Antiguu Institutu acoyó la presentación del VI Premiu Fierro Botas, ‘L’espeyu onde miranos’, “un llibru imprescindible”, según Carlos Rubiera. El so autor, Damián Barreiro, aprovechó l’actu pa defender el periodismu n’asturianu.
Tres escribir ‘Cuantayá que Dios fuxó’ (Premiu Fernán Coronas) nel 2004, Susana Sela torna a espublizar un poemariu, nesti casu billingüe. ‘Ausencies/Ausencias’ ye’l nome d’esti trabayu autoeditáu pola autora nacida n’Uviéu.
“Europa yá fixo muncho pol asturianu” pese a la debilidá operativa de la Carta Europea de les Llingües Minoritaries, n’opinión d’Alberto López Basaguren. L’ex miembru del Comité d’Espertos pon el futuru del idioma en manes de los falantes.
El xueves inauguróse la esposición ‘Traducción y cómic n’asturianu en Realidá Enanchada’, que va tar abierta al públicu nel CEPA del Nalón hasta’l 27 de xunu. Pa disfrutala ye necesario contar cola aplicación Layar nel móvil.
