La polémica retomada esta selmana pol PP sobre l’asignatura de Llingua Asturiana y la so alternativa, Cultura Asturiana, yá tien les primeres rempuestes. “Ye ridícula y interesada”, según SUATEA, mientres que dende Reciella, l'asociación del families pol asturianu, señalen a dellos centros  que “xueguen a la confusión cola materia”.

Tres la bona esperiencia de la participación conxunta en delles protestes en defensa de la llingua y los derechos sociales, la izquierda soberanista convoca una manifestación per Uviéu y delles actividaes pal 8 de setiembre. El Día d’Asturies oficial va celebrase en Candás, mentes qu'IX tien previstu un actu en Rusecu.

Manuel Peña, diputáu y voceru d'Educación de Foro, aseguró que’l so partíu sofita “que la llingua y cultura asturiana sía obligatoria en Primaria, pa da-y el status que merez”. Demanda a Javier Fernández que, amás del idioma maternu, garantice tamién l’enseñu de dos llingües estranxeres.

La histórica banda del rock-folk asturianu Avientu torna a los escenarios catorce años depués pa celebrar el so venti aniversariu. Va ser nel marcu del Día de la Mocedá Revolucionario, nel XI Conciertu ‘Asturies nun escaez’, qu’entama Darréu’l 18 d’ochobre n’Uviéu y nel que tamién van participar La Tarrancha, Skontra, Skama la Rede y Ochobre.

La TUA, empresa que xestiona los tresportes urbanos públicos d’Uviéu, estrenó’l sábadu llinies nueves por mor del Plan de Movilidá, asina como una web pa informar de los cambios. Dende Iniciativa pol Asturianu critiquen l’ausencia del idioma na mesma y la non utilización de los nomes de llugar tradicionales, pendientes tovía d’aprobación.

Gonzali Producciones entama col doblaxe al asturianu de la primer serie d’animación de Superman, que s’emitió en cines ente’l 1941 y el 1943. D’esta forma, el mozu nacíu nel planeta Krypton va ser el primer superhéroe en falar n’asturianu.

Inaciu Galán resultó ganador del VIII Concursu de Micro-rellatos n’Asturianu L’Horru del Carbayedo, qu’esti llunes celebra la entrega de premios dientro del programa festivu del barriu avilesín, col testu '8:43'. La segunda posición foi pa Luis Manuel Suárez con 'Soledá de luxe'.

4.000 persones inscribiéronse hasta la fecha n'Asturies pa participar na ‘Asamblea Ciudada Sí se Pue’ de Podemos, na que ta trabayando un equipu téunicu de 26 persones, ente ellos trés asturianos: Daniel Fernández, Daniel Ripa y la eurodiputada Tania González. “Asturies ye la punta de llanza d’hasta ónde se pue llegar con Podemos”, afirma’l voceru de Compromisu.

La banda veigueña Os Folkgazais ta acabante d’asoleyar un videoclip del cantar ‘Desafío’, perteneciente al so trabayu últimu, ‘Alorias', un EP compuestu por cinco temes. Objetivo 7 encargóse de la producción.

‘El calendariu’, obra de José Ramón Oliva a cargu de la compañía femenina Les Ayalgues de Carreño, va abrir esti miércoles el XXIV Salón de Teatru Costumista Asturianu de Candás. Va ser el primer de los siete estrenos anunciaos nesti certame, compuestu por doce funciones, una diaria hasta'l 31 d'agostu.