El xueves, Día de Santa Bárbola, diéronse a conocer los ganadores del XI Concursu de Rellatos Mineros Manuel Nevado Madrid. El vencedor d’esti añu na estaya d’asturianu foi Francisco Álvarez González por ‘Identidá’, mentes que Marisa López Diz y María Elena Álvarez Teresa llevaron dos menciones.

El X Liet International va contar con representación asturiana. La Banda Gaitas El Trasno va desplazase a la ciudá baxa-saxona d’Oldenburg pa participar el vienres día 12 nel festival, viaxe pal que namái cuenten con una ayuda del Conceyu de Cuaña.

Shrek, Antz o los pingüinos de Madagascar podríen falar pronto en catalán, gallegu y eusquera. TV3, TVG y ETB tán cerca de rematar un alcuerdu con DreamWorks Animation pal doblaxe de les sos películes d’animación a les llingües propies, alcuerdu al que la XDLA demanda que se sume la TPA.

Cuatro ciudadanos van optar a la secretaría xeneral de Podemos Xixón. La iniciativa Somos Asturies, que se dio a conocer de manera pública'l miércoles, presenta pa esti cargu al escritor Xandru Fernández, candidatura que los simpatizantes de la formación van poder votar xunto cola d’Orlando Fernández Casanueva, Humberto Escandón y Mario Suárez del Fueyo.

La Conseyería d’Educación, Cultura y Deporte va destinar 20.000 euros pa incrementar los fondos bibliográficos n’asturianu y gallego-asturiano nes biblioteques públiques del país. Los conceyos tienen hasta’l día 5 pa solicitar l’ayuda, qu'obliga a mercar les obres en llibreríes del propiu municipiu.

Somos Asturies dio esti miércoles el primer pasu hacia la so consolidación, dada la respuesta atopada ente los representantes de distintos círculos de Podemos qu’intervinieron nel actu de presentación celebráu n’Uviéu. Trátase d’un proyeutu organizativu al traviés de la fórmula d’agrupaciones d’eleutores que busca llevar l’espíritu de la organización a les municipales.

Yá se conocen los cinco autores gallardonaos colos Premios Lliterarios 2014 de la Conseyería d'Educación, Cultura y Deporte tres el doble fallu d’esti llunes. El XXXV Premiu Xosefa Xovellanos de novela foi pa Antón García, mentes que’l XX Premiu Xuan María Acebal de poesía llevólu Ángeles Carbajal.

L’Academia de la Llingua Asturiana (ALLA) escoyó’l vienres, en xunta extraordinaria, al vicepresidente nuevu de la institución tres la muerte l’añu pasáu de Miguel Ramos Corrada. Xosé Antón González Riaño resultó escoyíu pal cargu nes eleiciones celebraes

PSOE, Foro y UPyD aprobaron la proposición non de llei presentada a la Xunta Xeneral por IX cola fin d’encamentar al Gobiernu pa que negocie col Ministeriu d’Educación, Cultura y Deporte la creación de la especialidá d’asturianu. El PP votó en contra, incumpliendo asina’l so programa eleutoral.

La Tertulia Malory escoyó recién a ‘Carne de melandru’ como meyor llibru n’asturianu editáu nel 2013. L’autor, Milio Rodríguez Cueto, va recoyer el gallardón esti vienres nun actu públicu que van tener llugar nel pub entreguín Tom Malory.