Cristina Muñiz presenta, esti martes 8 de payares, la so nueva obra ¡Qué te preste!, compilación de los monólogos emitíos nel programa de la RTPA "La Risión".
El colexu públicu de Lieres, nomáu oficialmente de magar esti cursu C.P. Xentiquina, organiza pal próximu xueves 3 de payares una mesa redonda sobre cultura y música asturiana.
Iniciación a la gaita asturiana ye’l nome del llibru col que Ricardo Soberado y Balbino Menéndez pretenden que l’aniciu de los rapazos y rapaces col instrumentu sía “prestosu y entreteníu”. Ye’l primer manual orientáu a neños y neñes.
La conocida escritora Carmen Gómez Ojea retoma'l camín de la Lliteratura Infantil n'asturianu pa regalanos l'álbum ilustráu "Hermanina", qu'espubliza conxuntamente coles ilustraciones d'Antònia González Tinturé.
La revista dixital "A la Gueta los suaños" estrenaba'l pasáu 21 de setiembre la so collaboración con "Radio Parpayuela", que va poder sentise tolos miércoles a les 12.30 hores.
L'álbum de poesía ilustrada "Loles" d'Aurelio González Ovies y Julio Antonio Blasco, editáu n'asturianu y castellán, ta acabante d'algamar l'accésit nos premios Anuaria al Diseñu Gráficu na categoría de meyor llibru, memoria y diseñu editorial.
La Conseyería de Cultura pente medies de la Dirección Xeneral de Política Llingüística acaba dar anuncia de l'apertura del plazu pa la presentación de proyectos empobinaos a la "Axenda Didáctica Escolar" del presente cursu 2011-2012.
Esti llunes 12 de setiembre'l certame lliterariu "L'Arribada" dedicó-y una xornada completa a la Lliteratura Infantil y Xuvenil, con actividaes que fueron dende les esposiciones, les presentaciones de llibros y los percorríos peles obres lliteraries d'autores del xéneru.
L'escritor de lliteratura infantil y xuvenil n'asturianu Xicu Monteserín fairá un repasu pela so obra lliteraria'l próximu llunes 12 de setiembre na conferencia titulada De cuentos, xuegos y cosadielles, un repasu a les obres pa neños de Xicu Monteserín.
El Centru de Cultura Antiguu Institutu acoyerá a partir del próximu llunes 12 de setiembre la esposición dedicada al álbum ilustráu "Deva y yo" del que ye autor Vicente García Oliva ya ilustradora Belén García Montoya "Begmont".
