El sortéu empareya al Sporting B con un filial

Los de José Alberto López van enfrentase al Almería B, verdugu del UP Langreo.

El Sporting B va vese les cares contra un filial na segunda ronda de les eliminatories d'ascensu a la Segunda División B, onde llega tres quedar elimináu pol Olot (1-2) nel encruz de campeones. El rival que-y salió del sortéu d'ayeri en Las Rozas, onde yera l'únicu asturianu presente, foi l'Almería B, que'l domingu dexaba nel camín al Unión tres empatar nel minutu 80 el tantu inicial de Pablo Acebal qu'encaraba'l partíu hacia una prórroga.

El conxuntu asturianu nun se mostró inferior al andaluz, y namái la falta d'aciertu, dalgo que sí tuvo l'Almería B, dexó a los d'Hernán Pérez fuera de la llucha pol ascensu. El sábadu, a les 18.30 hores, va ser l'horariu definitivu del partíu d'ida nel Estadio de los Juegos Mediterráneos, onde xuega'l primer equipu.