L'actividá ta entamada por La Llegra, espaciu uvieín que tamién participa estos díes nes Xornaes de Consumu Responsable.

L'historiador Faustino Zapico va encargase d'esplicar esti acontecimientu históricu mientres un paséu per Uviéu pelos llugares más relevantes. El 25 de mayu del 1808 la Xunta Xeneral proclamóse soberana rebelándose contra les tropes franceses de Napoleón qu’invadieren el país, lo que llevó a la organización d’un exércitu asturianu propiu y al unvíu d’embaxadores a Inglaterra pa pidir sofitu na llucha contra l’exércitu francés invasor.

El mes de setiembre ye la fecha na que la conceyala Yolanda Alonso tien previsto llevar a Plenu l’aprobación de la ordenanza d’asturianu, esto ye, con cuatro meses de retrasu colo anunciao en febreru. El borrador del documentu va tratase na Comisión de Promoción y Cultura que tien previsto convocar "na primer quincena de xunu".

Xune Elipe, de Somos Avilés, retrucó al edil Luis Ramón Fernández Huerga que “nun voi soportar más postures supremacistes” tres les pallabres del socialista nel Plenu del mes pasáu. El conceyal d’Urbanismu y Planificación dexó cayer que’l de Villalegre tenía una enfermedá por falar asturianu y la so concepción d’Asturies.

Factoría Norte representa esti vienres ‘La bruxa Llara’ nel Espaciu Escénicu de la Factoría Cultural d’Avilés. Esta actividá ye la cabera de les cuatro programaes nesti primer semestre pola Estaya de la Llingua y ‘Reciella. Families pol Asturianu’.

La Banda de Gaites Villa de Xixón ta recibiendo mensaxes de solidaridá de toda Asturies y d’otres munches partes del mundu tres conocese una multa de 200 euros por tocar na cai. “Nun s’entiende”, afirma José Luis García Díaz, direutor de la formación que ta acabante de recibir sofitu municipal pal so festival internacional.

Nesta ocasión participaron nueves persones de diferente campos profesionales.

El mes de xunu ye la fecha que se manexa pa la espublización de los primeros datos del III Estudiu Sociollingüísticu d’Asturies, encargáu pola ALLA a Francisco José Llera Ramos. El caderalgu de Ciencia Política foi ún de los compareciente de la sesta sesión de la Comisión Especial d’Estudiu sobre'l Réxime de Proteición y Promoción del Asturianu na Xunta Xeneral.

La marca de calidá apuesta un añu más pola sidra nuevo nestos primeros meses.

Trabanco, Peñón, Foncueva y Muñiz, los cuatro llagares que producen sidra baxo la marca Sidra de Mazana d'Escoyeta, presentaron ayeri nel Muséu del Pueblu d'Asturies la producción procedente de la collecha del 2016. "Va dar muncho que falar. Creemos que va destacar pola su calidá grande, porque contamos con una sidra mui equilibrada y mui bien compensada", apuntó José Manuel Riestra, presidente de Sidra de Mazana d'Escoyeta, qu'emponderó la mazana recoyida l'añu pasáu.

El restu d'eliminatories son Cristo Atlético-Avilés, UP Langreo-Almería B y CD Tuilla-UD San Fernando (Maspalomas).

El campeón asturianu de Tercera División, el Sporting B, nun tuvo suerte nel sortéu, al tener qu'enfrentase al vencedor del siempre potente grupu catalán: l'Olot. Los de José Alberto, sicasí, yá demostraron en Copa Federación que son quien a plantar cara a conxuntos catalanes de la Segunda División B, como puedo vivir nes sos carnes el Badalona (quintu clasificáu a un puntu del play-off).

La compañía de telecomunicaciones vasca Euskaltel ye la propietaria nueva de Telecable tres zarrar la so merca cola británica Zegona Communications por 686 millones d’euros. Esta operación llega añu y mediu depués de facese cola gallega R.