El Teatru Municipal, en L’Entregu, va acoyer la IV Amuesa de Teatru Cómicu Asturianu de Samartín del Rei Aurelio. Ocho compañíes participen con producciones propies que se van representar toles fines de selmana dende esti sábadu y hasta’l 4 de payares.

L’empresariu Rodolfo Cachero foi deteníu esti xueves en Madrid. El xestor últimu de la Compañía Minera Astur Leonesa, agora en manes d’alministradores concursales, taba en busca y captura dende xunetu, cuando debía d’ingresar en prisión.

Dos percorríos, ún esixente de 16 quilómetros y otru más curtiu pa tolos públicos, ye la propuesta del Conceyu de Bimenes y la Xunta pola Defensa de la Llingua Asturiana (XDLA) pa la I Carrera pola Oficialidá. Va celebrase’l 14 d’ochobre y yá tien abiertu’l plazu d’inscripción.

Defende apoyar el conocimientu del idioma.

Juan Santos, estudiante de segundu de Bachilleratu del IES Santa Cristina de Ḷḷena, ta acabante de denunciar les torgues qu’atopó esti cursu pa siguir recibiendo clases de Llingua Asturiana. La situación paez que ta cerca de solucionase, pero llamenta “que teamos entovía asina dende’l 98, cuando s’aprobó la Llei d’Usu”.

El plazu pa presentar creaciones n'asturianu o castellanu fina'l 23 d'ochobre.

“Ye fundamental el sofitu económicu del Gobiernu d’España a la celebración de los centenarios de la coronación de la Santina, de los Picos d’Europa y de la batalla de Cuadonga”, afirma Rosa Domínguez de Posada. La senadora de Foro presentó una iniciativa pa recibir fondos de los próximos Presupuestos Xenerales del Estáu.

El xuez Rodríguez Santocildes procedió a la llectura de la sentencia del 'Casu Marea'.

El 13 de setiembre del 2007 l'Asamblea Xeneral de les Naciones Xuníes aprobóla. Un actu va conmemorala n'Uviéu.

Compuesta por 46 artículos, la Declaración de les Naciones Xuníes sobre los Derechos de los Pueblos Indíxenes salió alantre con 144 votos a favor, 4 en contra (Estaos Xuníos, Australia, Canadá y Nueva Zelanda), 11 astenciones y 34 ausencies. Nestos diez años, Australia, Nueva Zelanda, Canadá, Estaos Xuníos, Colombia y Samoa rectificaron la so posición inicial y sumáronse a la mesma.

El cursu comenzó n’Infantil y Primaria con 48.441 escolinos matriculaos na escuela pública y 19.109 na privada-concertada. La gran novedá esti añu ye la puesta en marcha del Plan Pilotu esperimental de Promoción del Usu del Asturianu en cuartu de Primaria de seis centros d'otres tantes poblaciones del país.