Foro pide apoyu económicu al Gobiernu pa los trés centenarios del 2018 venceyaos a Cuadonga

|
Foro pide apoyu económicu al Gobiernu pa los trés centenarios del 2018 venceyaos a Cuadonga

“Ye fundamental el sofitu económicu del Gobiernu d’España a la celebración de los centenarios de la coronación de la Santina, de los Picos d’Europa y de la batalla de Cuadonga”, afirma Rosa Domínguez de Posada. La senadora de Foro presentó una iniciativa pa recibir fondos de los próximos Presupuestos Xenerales del Estáu.

Na Cámara alta, Domínguez de Posada entrugó al Executivu “¿Cuál va ser la participación del Gobiernu d’España na organización y desarrollu de los actos conmemorativos de los centenarios del Parque Nacional de la Montaña de Covadonga (güei de Picos d’Europa), de la solemne coronación de la Virxe de Cuadonga (patrona d’Asturies) y de la batalla de Cuadonga, que tendrán llugar nel 2018?”. Na opinión de la senadora, “nestos momentos tan difíciles polos qu’atraviesa España, el Gobiernu ha d’ayudar a los asturianos, que siempre se sintieron arguyosos de la so ‘patria chica’ pero, sobre manera, profundamente españoles”.

La ministra d'Agricultura y Pesca, Alimentación y Medio Ambiente, Isabel García Tejerina, respondió a la representante de Foro confirmando la preparación d’un calendariu d’actos y celebraciones pol centenariu del Parque Nacional de los Picos de Europa qu’inclúi conferencies, conciertos o esposiciones.

Semeya obra de Daniel Giovinazzo baxo llicencia CC BY 3.0.

Contador Estadistiques