La Xunta pola Defensa de la Llingua Asturiana presentó esta tarde en Xixón los cantares 'Agora' y 'Cantar pola oficialidá'.

Nenguna planta asturiana ta na llista de desinversiones d’ArcelorMittal presentada pol xigante siderúrxicu a la Comisión Europea pa proceder a la merca de la italiana ILVA. El tren de chapa de Xixón considerábase como una de les posibles concesiones.

#LluchandoPolaSoberanía sigue cola so compaña contra les especies invasores.

Baxo'l nome de 'Plumeru La Pampa fuera d'Asturies, el papel de los conceyos na so erradicación' entámase esti alderique nel que van participar ediles de diferentes partíos de conceyos afeutaos pola presencia d'esta planta invasora. Asina, van tar presentes Javier Piquero, de Somos Siero; María José Miranda, d'IX Grau; Antón Martínez Fernández, de Conceyu Abiertu por Noreña; Luis García Calvo, del PSOE de Samartín del Rei Aurelio; y Rosario Hernández, de Somos Llangréu.

El Parque Xovellanos va ser un añu más l’epicentru de la Folixa na Primavera, festexu qu’axunta esta fin de selmana en Mieres música, tradición y gastronomía. Los irlandeses Lúnasa encabecen la estaya musical, que completen Rubén Alba, Los Berrones y Skama la Rede.

L’aerollinia británica easyJet va dexar de volar dende Asturies el 28 d’ochobre, cuando va abrise la temporada d’iviernu d’aviación comercial. Esta compañía lleva establecida nel aeropuertu dende l'añu 2004, con rutes a Genèva en branu y a Londres, tol añu.

La iniciativa lleva'l nome de '¿Qué ye la oficialidá? Implicaciones llegales y sociales'.

L'Asamblea Abierta d'Estudiantes d'El Milán entama esti alderique que va tener mañana como sede'l Seminariu d'Historia Antigua, na segunda planta del Edificiu Departamental d'esti campus de la Universidá d'Uviéu. Cola fin d'averar esti tema al restu d'estudiantáu y al públicu en xeneral, convida a cuatro espertos en dellos campos a afondar no que ye la oficialidá y lo que va suponer.

Del quioscu de Pachín de Melás a la Casa Natal de Gaspar Melchor de Xovellanos. 30 Días en Bici, en collaboración con Iniciativa pol Asturianu, ideó una ‘Ruta pol asturianu’ que percuerre cais y parques de Xixón y que va estrenase esti xueves baxo les esplicaciones de Daniel García de la Cuesta.

“La oficialidá ye l'únicu camín” pa la Xunta pola Defensa de la Llingua Asturiana (XDLA) pa evitar situaciones como l’anulación del Plan de Normalización Llingüística de Carreño. Entiende que la sentencia de recién d'un xulgáu de Xixón “vuelve a demostranos que'l marcu xurídicu actual, la Llei d'Usu, ye insuficiente”.

Con un 34,4 por cientu, namái ye superada pola galesa, cola que trabaya en comuña nun proyeutu de traducción d'entraes sobre les poblaciones de dambos países.

Va celebrase finalmente del 25 al 27 de xunu y incorpora nos dos díes previos un alcuentru de programadores.