Esti vienres, 23 de marzu, cúmplense 20 años de l’aprobación na Xunta Xeneral de la Llei de Promoción y Usu del Bable/Asturianu, una historia que recordamos nesti reportaxe. “Foi un milagru y un ésitu”, afirma Xuan Xosé Sánchez Vicente, que dende’l PAS negoció col PP de Sergio Marqués el sacar alantre una norma mui criticada nel so tiempu.

Gabino de Lorenzo dimitió'l xueves nel cargu.

El Conseyu de Ministros nomó esta mañana a Mariano Marín como delegáu nuevu del Gobiernu estatal n'Asturies. Presidente del Partido Popular (PP) de Xixón y voceru del grupu municipal, dimite del so cargu de conceyal p'accerder al nuevu puestu en sustitución de De Lorenzo.

Santiago Fano ye l’autor de la imaxe d'esta edición del Día de les Lletres Asturianes.

L’Academia de la Llingua Asturiana (ALLA) yá tien too preparao pa la celebración del XXXIX Día de les Lletres Asturianes el 4 de mayu, xornada na que van ser nomaes académiques Isabel Hevia y Margarita Fernández Mier. Xosé Antón González Riaño quier contar con “la mayor representación política posible” nel actu, incluyíu’l PP.

Un estudiu anglogallegu sobre l’ADN y les migraciones na Península Ibérica amuesa un patrón xenéticu que concasa en parte col espardimientu de los reinos medievales

Una encuesta eleutoral de SyM Consulting da la victoria n’Asturies a la FSA, que mantendría o perdería un diputáu, y frena les aspiraciones de crecimientu de Ciudadanos al ganar namái un o dos parllamentarios. Los partíos favoratibles a la oficialidá superaríen los 27 escaños necesarios pa reformar l’Estatutu d'Autonomía.

La fonoteca aragonesa tien nel so fondu documental la voz de poetes recitando les sos creaciones n'asturianu y gallego-asturiano.

Los xuristes José Manuel Pérez Fernández, Leopoldo Tolivar y Nicolás Bartolomé participaron ayeri nun alderique entamáu pola Conseyería d’Educación y Cultura al cumplise dos décades de la Llei d’Usu. “Perdimos venti años al nun desarrollala; la situación agora sería diferente”, afirmó’l lletráu del Tribunal Constitucional.

Va celebrase esti sábadu y ye de baldre.

Tres 'La prehistoria n'Asturies' y 'L'oru de los ástures', les visites guiaes n'asturianu al Muséu Arqueolóxicu aporten a 'L'Asturies medieval'. Los asistentes van poder afondar na parte de la instalación qu'afonda nesta dómina que comienza cola creación del Reinu d'Asturies.

La visita va comenzar al meudía y ye de baldre, anque ye necesario actuar plaza al ser éstes llendaes. Pa ello han de formalizar l'asistencia al traviés del númberu de teléfonu 985.10.67.41

La modificación del tráficu va comenzar esti miércoles y va allargase cuatro meses.

L'avance de les obres de construcción de los accesos al Hospital Universitariu Central d’Asturies (HUCA) dende l’AS-II, l'autovía que sigue'l trazu de la carretera vieya ente Uviéu y Xixón, va obligar a esviar el tráficu que circula en direición a la población asitiada na mariña. A partir de mañana, y nos cuatro meses vinientes, los vehículos van ascender hacia la rotonda superior del enllaz de La Corredoria pa volver incorporase depués a la calzada de l’autovía pel ramal d’accesu.