El mierense Luis Álvarez, ganador na edición del 2016 y terceru na del 2017, llevó'l VII Concursu de Sidre Casero Fecho en Maera.

L'actividá que tien como sede la Plaza Mayor pon en marcha la iniciativa 'A mercar cola llingua' esta Selmana Santa.

Entamada gracies a la collaboración de la Oficina de Normalización Llingüística de Xixón, trátase d'un "proyeutu que busca favorecer la presencia del asturianu y potenciar la implicación de toos en que forme parte de la nuesa cotidianidá, asina como averar a propios y turistes la realidá de la nuesa cultura y tradiciones". D'esta forma esta edición del Mercado Artesano y Ecológico va tener como exa central la llingua y cultura asturiana.

Los dos primeres meses del añu rexistraron una medra del 17,9 por cientu de visitantes estranxeros. Los datos espublizaos esti miércoles pol Instituto Nacional de Estadística (INE) reflexa tamién un bon crecimientu nel turismu rural en febreru, anque reflexa una cayida del 1,8 si tenemos en cuenta tolos tipos d’agospios.

La IX Primer Sidre l'Añu allárgase per cuatro díes en Xixón, del xueves al domingu.

Más de 70 llagares van participar na gran folixa sidrera de la Selmana Santa, entamada cola intención de recuperar la tradición de les espiches nestes xornaes festives y el consumu de sidre nuevo, ensin trasegar. La revista 'La Sidra' y la Fundación Asturies XXI son los organizadores d'esta festividá declarada de raigón pol Conceyu de Xixón qu'axunta dende hai nueve años a cientos de persones mientres cuatro xornaes nel tendayu del Muséu del Pueblu d'Asturies.

El Plenu de Mieres dio’l preste a una ordenanza d’asturianu nueva tres les alegaciones presentaes pol Partido Popular (PP) a la aprobada'l 25 de mayu. Éstes tienen pequeñes modificaciones pa evitar que se valte nos tribunales nel casu de que se recurra, un pasu que yá anunciaron los populares mierenses.

El mantegáu d’Avilés nun faltó nel Xaréu Primavera, folixa cola que les escolines y escolinos del CP Sabugo celebren la llegada de la estación, na qu’esti añu recuperóse la cultura de la rucha na ría d’Avilés. Tamién recordóse la lleenda de Samalandrán.

Taba zarrada por xelu y nieve, lo qu'impidía dende'l sábadu activar el Plan Especial de Tresporte, que va tar vixente hasta'l 8 d'abril.

El Plan Especial de Tresporte a los Llagos de Cuadonga taba previsto qu'entrara en vigor per primer vegada esti añu'l día 24 cola mira de regular l'accesu a esti espaciu protexíu mientres la Selmana Santa, pero les condiciones meteorolóxiques impidieron l'accesu al llugar. El bon tiempu permitió que güei pudiera abrise la CO-4, polo que los autobuses de la empresa concesionaria y los taxis lanzadera yá tán emprestando'l serviciu.

La seleición asturiana derrotó n'Extremadura a la madrilana na final pol resultáu de 4-1.

Cuatro años depués Asturies sumó'l so novenu campeonatu estatal benxamín de fútbol-sala tres ganar na edición d'esti añu, celebrada dende'l vienres en Montijo. El combináu dirixíu por Ramón Emilio 'Monchu' Menéndez superó na primer fase a Aragón (6-1) y Andalucía (9-2), algamando asina'l pase a semifinales, onde s'enfrentó a Galicia (7-1).

Albert Rivera anunció esti llunes un alcuerdu col Gobiernu pa sofitar los Presupuestos Xenerales del Estáu que van ser aprobaos el martes nun Conseyu de Ministros estraordinariu. L’apoyu de Ciudadanos, sicasí, nun ye suficiente pa un Partido Popular (PP) que necesita más votos, cola mirada puesta principalmente nel EAJ-PNV.

Comiencen el llunes 2 d'abril na villa moscona y el miércoles 4 en Grullos, y son de baldre.

Pese a nomase como 'básicu fase b', según anuncien dende'l Serviciu de Normalización Llingüística de los Conceyos de Grau ya Candamu, el que va celebrase en Grau nun va ser una continuación del anterior, fináu en febreru. Sicasí, va siguir la llinia educativa del mesmu.