El barómetru de xunetu del Centru d’Investigaciones Sociolóxiques (CIS) da al PSOE un 41,3 por cientu n’intención direuta de votu, porcentaxe mui superior al del PP, segundu, con un 13,7 por cientu. El trabayu de campu fíxose enantes del intentu d’investidura de Pedro Sánchez y recueye datos brutos, ensin tratamientu posterior.

Escosaes toles places pa esta salida de baldre guiada n'asturianu por Denis Soria.

Esti vienres, a les 19 hores dende El Parche, va tener llugar la tercer salida de les cuatro programaes esti branu dientro de la iniciativa CaleyAvilés de la Estaya de la Llingua d'Avilés. Esta actividá de baldre, entamada con ésitu tolos años dende'l 2016, permite conocer dellos llugares del conceyu acompañáu d'un guía qu'emplega la llingua asturiana.

L'académicu tenía 78 años d'edá.

Esti vienres dexábanos n'Uviéu Félix Ferreiro, que fora maestru y xefe de serviciu de Política Llingüística na década de los 90. El so llabor foi especialmente importante nos 80, nos años primeros de la escolarización en Llingua Asturiana, cuando asoleyó xunto con Pablo Manzano 'Reciella', el primer manual d'enseñu de la materia editáu pola Academia de la Llingua Asturiana (ALLA) nel 1985 dientro de la coleición 'Escolín', que contó con cuatro ediciones, o'l 'Diccionariu Básicu de la Llingua Asturiana', nesti casu tamién con Urbano Rodríguez.

La ufierta pal cursu viniente amplíase hasta les 232 en 73 unidaes docentes.

El Gobiernu va ufiertar 232 places de formación sanitaria especializada el cursu próximu, 33 más qu'esti añu y una de les cifres más altes de los exercicios últimos. La xuba media de puestos supera'l 16 por cientu, pero nes árees de Medicina, y Enfermería familiar y Comunitaria la medra algama'l el 40 y el 30 por cientu, de manera respeutiva.

La primer intervención pública de Berta Piñán como conseyera de Cultura, Política Llingüística y Turismu tuvo llugar esti llunes na inauguración de la Universidá Asturiana de Branu (UABRA). “El so ésitu nun ye cuestion del azar, sinón del trabayu constante y bien fechu, con una idea global de lo que ye la formación”, apuntó.

El Plenu de xunetu de Grau decidió la retirada de la 'Ordenanza Municipal pal Usu de la Llingua Asturiana nel Conceyu de Grau', cinco meses depués de la so entrada en vigor. El recursu del PP y la posibilidá de que se valtara nos tribunales lleva al gobiernu a tomar esta decisión a la espera d’apoyos dende l'Executivu asturianu.

Foi la única de los diez n'emplegar l'idioma.

La Xunta Xeneral acoyó ayeri la toma de posesión de les conseyeres y conseyeros d'Adrián Barbón. Foi nun actu solemne nel que'l presidente d'Asturies solicitó-yos "trabayu, cercanía, diálogu y atrevimientu", amás de "munchos otros requisitos, como la tresparencia, la rendición de cuentes o'l fomentu de la participación ciudadana, pero digamos qu'ésos deben ser los rasgos del vuesu mandatu".

Dobra, Corquiéu y la gallega Susana Seivane actúen na esplanada de La Esposición, mentes que Muga, 'Bestiariu' y L-R, con un conciertu especial, fáenlo en Xixón.

La música de raigañu atlánticu toma estos díes Avilés y Xixón. Celébrase'l XXIII Festival Intercélticu d’Avilés y Comarca y el VIII Festival Arcu Atlánticu, dos cites que nos traen a Asturies a artistes y bandes de gran calidá con propuestes bien interesantes.

La propuesta de Pablo Iglesias al PSOE dende la tribuna d’arrenunciar al Ministeriu de Trabayu a cambiu de competencies pa dirixir les polítiques actives d’emplegu refugóla Adriana Lastra y Xuníes Podemos astúvose na segunda votación de la fracasada investidura de Pedro Sánchez. Habrá eleiciones nueves nel casu de nun haber un cambiu de postures enantes del 23 de setiembre.

Queda pendiente de conocer la so estructura.

A les 16 hores d'esta tarde va tener llugar l'actu de toma de posesión de les conseyeres y conseyeros del Gobiernu d'Adrián Barbón. Nes diez conseyeríes –hai una nueva y Educación y Cultura divídese en dos– va haber trespasu de carteres, yá que nengún de los ochos titulares del Executivu de Javier Fernández repite.