L'Hospital Universitariu Central d'Asturies (HUCA) rexistró un casu de listeriosis nun paciente de 64 años ingresáu na Unidá de Cuidaos Intensivos (UCI). Trátase d'un casu clínicu aislláu d'afección pola bacteria Listeria monocytogenes, que nun guarda nenguna relación col biltu aniciáu n'Andalucía por consumu de carne mechada de la marca La Mechá. L'enfermu permanez na UCI, ta recibiendo tratamientu y evoluciona favorablemente.

La Conseyería d'Educación va conceder esti cursu académicu 2019-2020 un total de 2.793.945 euros n'ayudes individuales para subvencionar la compra de llibros de testu nel Principáu d'Asturies.

La Dirección Xeneral de Pesca Marítima decretó güei el zarru cautelar de la zona de producción de la ría del Eo pa toles especies explotables por un arramáu de purinos rexistráu ayeri.

La midida adoptóse mientres se realiza tomar d'amueses y el so analís per parte del llaboratoriu de Salú Pública

L’actu d’entrega del Premiu Malory a la novela Incorrectos va ser el martes 27 d’agostu, a les 17:30 hores, nel pub Tom Malory de L’Entregu.

El  24 d’agostu ye l'aniversariu de la declaración de soberanía que llevó a la creación del Conseyu Soberanu d’Asturies y Lleón.

Andecha Astur propon que la Xunta Xeneral, por alcuerdu o votación de los sos grupos parllamentarios, declare’l 24 d’agostu de ca añu comu fecha de necesaria cellebración institucional.

El Principáu participó la pasada fin de selmana en la feria de turismu de naturaleza Birdfair Rutland, nel Reinu Uníu para promocionase como destín turísticu.

Les compañíes Merybal Construcciones y Contrates y Green Capital Power presentaron solicitúes para la instalación de nueve parques eólicos con una potencia total de más de 191 megavatios (MW) n'ocho conceyos: Ayande, Bual, Castropol, Cuaña, Eilao, Santiso d'Abres, A Veiga y Taramundi.

El PaliQuePali Fest ye un eventu cultural emburriáu pol proyeutu cooperativu El Ñeru y l'Asociación Cultural Pra que se desenrolla los díes 29, 30 y 31 d'agostu y 1 de setiembre en Santuyano  (Bimenes).

La delegación asturiana zarró’l XLIX Festival Interceltique de Lorient con nota y yá piensa na edición próxima, la cincuentena, que va tar dedicada al país anfitrión. Asturies nun va faltar na histórica cita próxima d’un certame "corazón del mundu celta" que, apunta Iñaki Sánchez Santianes, “ye un nexu cultural en llinies globales”.