Andecha Astur propón a la Xunta Xeneral la cellebración institucional del 24 d’Agostu en reconocimientu del Conseyu Soberanu d’Asturies y Lleón

|
Andecha Astur propón a la Xunta Xeneral la cellebración institucional del 24/08

Andecha Astur propon que la Xunta Xeneral, por alcuerdu o votación de los sos grupos parllamentarios, declare’l 24 d’agostu de ca añu comu fecha de necesaria cellebración institucional.

Según la  propuesta d'Andecha Astur, nesi día, la Xunta Xeneral convocará una sesión estraordinaria del so Plenu, nel que se fadrá llectura d’un testu de remembranza del 24 d'agostu de 1937 cuando’l Conseyu Interprovincial d’Asturies y Lleón decide costituyise en Conseyu Soberanu d’Asturies y Lleón, asumiendo plena xurisdición y responsabilidá nel gobiernu civil y militar de los sos territorios.

Amás, proponen que nesa mesma fecha el mobiliariu que formó parte del despachu de Belarmino Tomás seya treslladáu a la Xunta Xeneral, "declarándose esa xornada comu de puertes abiertes pa que la ciudadanía asturiana pueda visitar el despachu del presidente y l’edificiu de lo que debería ser l’ente representante d’una Asturies Soberana".

Semeya: Belarmino Tomás, presidente del Conseyu Soberanu, en Xixón 1937

 

Contador Estadistiques