En 2012, Asturies será la sede oficial del Festival Européu de la Canción en Llingües Minoritaries, convirtiéndose’l nuesu país na primer comunidá llingüística del Estáu qu’organiza la cita.

Les conclusiones de la Tertulia Pachín de Melás sobre software llibre n'Asturies, foron que la educación tien qu’adoptar el sistema llibre, nos negocios hai que convivir col privativu, mientres que pa la llingua, el llibre ye l’únicu camín.

Conceyu y equipu van roblar un nuevu conveniu de promoción de la imaxe de Xixón, colo que’l Sporting llucirá per primer vez el topónimu n’asturianu na so equipación oficial.

Unidá Nacionalista Asturiana celebra’l próximu 6 y 7 de marzu, el congresu que quier ser “puntu de partida pal afitamientu de l’alternativa política asturiana qu’UNA representa”.

Dende’l pasáu llunes, los militantes d’UNA convocaos al II Congresu de la organización, tán recibiendo’l testu de la ponencia política, “consensuada depués de más d’un mes d’alderique”, señalen.

La Fundación puntCAT superó los 40.000 rexistros, lo que supón una medría allegada al 20% respeuto al añu 2008. El dominiu facturó un millón d’euros a lo llargo del añu pasáu.

La Xunta pola Defensa de la Llingua va entamar una campaña pa mandar correos electrónicos a la direición de la RTPA y "demostrar la demanda de más programación n’asturianu".

Según la Xunta, “la presencia tan precaria de la llingua asturiana na programación de la radio y televisión públiques d’Asturies fai necesario esixir un cambiu na actitú del ente de comunicación hacia’l patrimoniu llingüísticu asturianu”. Poro, esixen una presencia digna de la llingua con programes de toa triba, poniendo l’enfotu na programación infantil.

IU va presentar una moción d’urxencia na la Xunta Xeneral, pa esixir al Conceyu de Gobiernu que protexa la Pena Castro (Ayer), amenazada pola ampliación d’una cantera.

L'Asociación Cultural Boides va celebrar esti añu la so novena edición del festival Pueyes Rock, que dende 2001 vien desarrollándose na parroquia maliaya a últimos de setiembre.

El disidente cubanu Orlando Zapata Tamayo, ún de los presos de la denominada Primavera Negra del 2003, morrió esti martes nun hospital por mor d'una fuelga de fame.

Zapata, de 42 años, declaróse en fuelga de fame'l pasáu 3 d'avientu nel penal de Quilo 8, na población de Camagüey. Esixía una subida de los sos drechos como presu. A lo útlimo, morrió esti martes nun hospital de L'Habana, onde s'atopaba a causa del so delicáu estáu de salú, que los médicos supuestamente trataron de revertir introduciéndo-y sueros per vía intravenosa.

El Ministeriu de Mediu Ambiente y Mediu Rural y Marín decidió inscribir la Indicación Xeográfica Protexida 'Quesu Los Beyos' nel rexistru comunitariu, por cumplir colos requisitos.