El presidente del FC Barcelona entamó la so carrera hacia la Generalitat catalana abriendo una web de carácter políticu na qu'acaba'l so mensaxe con un 'Visca Catalunya Lliure'.

Joan Laporta, que caltuvo conversaciones con Reagrupament tres la negativa d'ERC y CiU a incorporalu a les sos llistes, nun desveló tovía si va presentase a les eleiciones catalanes d'anguaño.

El Club Xeitu de Ḷḷaciana convoca’l segundu certame lliterariu “Guzmán Álvarez” col únicu requisitu que les obres tean escrites en paḷḷuezu, variante del norte de Lleón. 

El certame tien dos categoríes, una en poesía y otra en prosa, pudiendo concursar toles persones que lo quieran con trabayos inéditos y de temática llibre que tean escritos " na llingua vernácula de la montaña occidental asturlleonesa, variante del bable”.

El Coleutivu Ecoloxista d'Avilés asegura que, según datos facilitaos pol Serviciu de calidá del Aire, la comarca tien el peor aire del país, qu'a la so vez, ye de los peores aires d'España.

Coles mesmes, el Coleutivu señaló que, mentanto, los Conceyos de la comarca amenorguen la gravedá de los datos oficiales, que representen que "tolos díes del añu se recueyen datos qu'aseguren que l'aire ye de mala calidá, y non con carácter eventual como aseguren".  

El ministru de Xusticia irlandés, Dermot Ahern, alvirtió que los disidentes del IRA son un riesgu igual d'importante qu'el que suponíen mientres la época más violenta del conflictu.

La SGAE anunció'l so deséu d'entendimientu coles asociaciones asturianes y la so intención d'analizar la documentación apurrida güei por asociaciones de Villaviciosa.

El Sporting impúsose al Osasuna algamando un trunfu por 3-2, asitiándose a once puntos de ls posiciones de descensu.

Los goles de los xixoneses vinieron de la mano de De las Cuevas, nel minutu 17, de Barral nel minutu 70 y d’un penalti Diego Castro nel 80.

 
Ficha técnica:
 
Sporting: Juan Pablo, Lora, Botía, Gregory, Canella, Rivera, Lola (Matabuena, m. 50), Luis Morán (Barral, m. 60), De las Cuevas, Diego Castro y Bilic (Kike Mateo, m. 70).

El Centru de Terminoloxía Asturiana yá tien na so web el so segundu proyeutu; “Terminoloxía xurídica y alministrativa”, un trabayu del abogáu lleonés Nicolás Bartolomé Pérez.

L’ex direutor de ‘Egunkaria’ dixo n’Uviéu que’l procesu contra ‘Egunkaria’ vino por un intentu de notoriedá del xuiz Del Olmo y mantúvose pola tesis de la Guardia Civil de que “too ye ETA”.

La Coordinadora Ecoloxista señala qu'instalar la incineradora ye mas qu'un tema económicu, “ye un tema de salú, d'emplegu, de sostenibilidá y calidá de vida”.