El doctorandu n'Antropoloxía pola Universitat Rovira i Virgili fai "por recoyer el carís etnográficu y antropolóxicu" de la obra y pensamientu del ex presidente de l'ALLA.

El diputáu Xabel Vegas visitó'l llar de la institución académica pa caltener un alcuentru con Xosé Antón González Riaño.

José Antonio Santano, secretariu d’Estáu de Tresportes y Movilidá Sostenible, presente esti martes n’Asturies, comprometióse a estudiar ameyoramientos na bonificación del peaxe del Güerna, como-y reclamó’l Gobiernu. Éstes podrían llegar a los turismos y demás vehículos llixeros dende’l primer viaxe y non dende’l terceru como hasta agora.

El presidente de l’Academia de la Llingua Asturiana (ALLA), Xosé Antón González Riaño, aconceyó esti llunes na sede de la Conseyería d’Educación con Lydia Espina. “Plantegáronse temes nos qu’hebo postures comunes, propuestes que se pueden facer acordies cola norma llegal”, valoró’l caderalgu, que considera que "Les Escuelines ha ser el términu alministrativu oficial pal 0 a 3".

Histórica militante comunista y figura clave de la Güelgona del 62, finó na madrugada cuando taba a unos díes de cumplir los 94 años.

Van valtase cinco edificios de la cai La Muralla apegaos a la muria pa dexar llibre unos 100 metros y abrir espaciu pa una plaza que va acoyer un centru d'interpretación.

Carlos Núñez, Ignaciu Llope, Lisardo Lombardía y Llorián García ufrieron al públicu qu’enllenó la sala de conferencies del xixonés Antiguu Institutu hora y media d’interesante alderique sobre la música celta y l’interceltismu. El gaiteru gallegu, prologuista de ‘El celtismu musical asturianu’, rescampló’l nivel conocimientu qu’hai n’Asturies al referise al volume de la Fundación Belenos.

Los usuarios que votaron nesta consulta d'Iniciativa pol Asturianu decidiéronse por esti reconocimientu del Ministeriu de Cultura "de forma mayoritaria" ente les 34 propuestes daes.

La cai en Xixón dedicada a Xosefa Xovellanos lleva’l nome de L’Argandona en referencia al apellíu del so maríu, una “anomalía histórica” que Convocatoria por Xixón quier correxir pa qu’apaeza'l nome propiu de la primer escritora conocida n’asturianu. L’equipu de gobiernu de Foro aceptara un ruegu al respeuto de Xixón Sí Puede nel 2019, pero nunca nun se produxo’l demandáu cambiu.

Unes 600 persones van axuntase nel Albéniz pa disfrutar de l'actuación de los de Tolivia.