Últimos díes pa votar pola 'Meyor noticia pal asturianu en 2023'

Iniciativa pol Asturianu da a los usuarios pa escoyer ente 34 opciones que sirven pa repasar los avances que vivió l'idioma esti añu pasáu.

La consulta pola 'Meyor noticia pal asturianu en 2023' fina mañana. Per decimoprimer ocasión esta organización llanza na rede esta encuesta cola que pretende "facer llegar a la ciudadanía asturiana delles bones noticies pal nuesu idioma", amás de "revisar tol llabor d’Iniciativa pol Asturianu" y "comprobar cómo añu a añu la llingua asturiana tien una repercusión positiva nos medios de comunicación".

Los y les persones interesaes pueden escoyer hasta un máximu de 17 bones noticies pal asturianu de diferente tipu d’un total de 34, les que considere más importantes, que pue consultar y votar nesti enllaz. Iniciativa pol Asturianu va sortiar un llote de llibros n'asturianu ente tolos participantes.

"Ye una manera de faer repás a les tantes bones noticies pal asturianu, pa valorar el camín que tamos abriendo pa salvar la llingua asturiana y pa garrar fuercies pa trabayar esti añu qu’acaba d’empecipiar", añade esti coleutivu. Nel 2023 resultó escoyida como 'Meyor noticia pal asturianu en 2022' l'usu de la toponimia oficial por parte de Correos.