Espaciu y Tiempu de la Llingua Asturiana

Bilordios Filolóxicos, por Ramón d'Andrés

Entemez d'espresiones idiomátiques (IV) (26/06/03)

Nesta llista apaecen frases feches, locuciones, xiros y otres espresiones idiomátiques en castellanu con delles de les equivalencies posibles n'asturianu.

a la rebatiña: a la rebatina, a la pañuca, a la pañaruca, a la pañota

a plomo, cayendo a plomo: en cayón, a plomu

a rajatabla: pase lo que pase, con tou rigor, de toes toes, dafechu

a regañadientes: a remolera, mal a gustu, tarreciéndolo

a sus anchas: a los sos deleres, como en ca güelu, como quier

a tocateja: dineru en mano, darréu y en mano

al dedillo: con puntos y comes, puntu por puntu, con tou detalle, de pe a pa

ataque de risa: ceguera de risa, ataque de risa

buey de mar: bugre, llocantu, llocántaru, llubricante

café con gotas: café con pingarates, café con pingues, café con un pingu

cascar el sol: calcar, amburar el sol, caldiar el sol, encaldiar el sol, cascar el sol

celebrar el carnaval: antroxar

como un toro 'fuerte': como un xatu, como un güe

con todas sus ganas: con tol alma, con toles veres del alma, con toles ganes

dar un traspiés: dar la caiconada, dar una zapicada, dar un zapicazu, dar una zarapicada, dar un taramiellu, dar un trespié

de antemano: de mano, antemanadamente

de mil amores: con munchu gustu

en medio: en mediu, nel mediu, ente medies, na metá, en metá, metá, metanes, metanos, metániques

en otros tiempos: n'otres dómines, n'otros tiempos, antaño

en total: en xunto, en total

en tropel: en tropiella, a la catropea, en tropel, tropel y catropea

en un santiamén: nun tris, nun biribí, nun pispás, nun santiamén

en volandas, en vilo: en pendolín, en pendolina, a tarandines, en tarandines, al vilu vilu

encima 'además, por si fuera poco': pa detrás, pa enriba, pa encima

entablar (amistad, conversación): entamarentender de, saber de: estremar de, entender de, saber de

entenderse bien, congeniar: oreyar, entendese, conxeniar

erizo de mar: oriciu, alezna, arcín, aricia

es la monda, es la pera, tiene narices: tien cantu, tien bigotes, tien perendengues, tien narices, manca la madera, mete mieu, fai fumu, fiede'l mocu, ye la caraba, ye'l demoniu, ye la vircha, manda calao

esnifar: surniar

eso da ganas de vomitar: eso da voltures, dan voltures, entren voltures

está como una regadera, está como una cabra: ta como una maniega, ta como una teya, ta como xo, ta como un xo, ta como xole, ta como un xole, ta como una gradia, ta como un cestu, ta como un cestu figos, ta como una cesta, ta como una cesta figos, ta como una fesoria, ta como un tapín, ta como una cabra, ta como una teca

están cortados por el mismo patrón: son la semeya ún d'otru

estar de descanso, estar de asueto: folgar, tar de folgueta, tar de folgancia

estar de diversión: tirar la pata, tar de pingu, correla

estar en ascuas, estar en vilo: tar en fierros, tar col corazón nun puñu, tascase

estar en las nubes, estar en la luna: tar n'ayén, andar a uves, tar fuera bolos, nun tar no que se celebra, tar n'otru conceyu, tar nes nubes

estar en las últimas, dar las boqueadas: dar les boquiaes, dar les bocaes, dar les bocaraes, dar les bocadielles, dar los bocaos, dar los boquíos, dar los boquexos, tar nes últimes

estar muy verde (un fruto): tar en rexa, tar verde a rabiar, tar a rabiar, tar rabiando, tar verriondu, tar verrondiu, tar verdiondu, tar verriu, tar verríu

estar sin blanca: tar escariáu, tar desperráu, tar ensin un perru, tar ensin un perrón, tar ensin una perrona, tar ensin una perrina, tar ensin un chavu, tar ensin un real, tener el prau pacíu

Coneyería d'Educación y Cultura
Espaciu y Tiempu de la Llingua Asturiana
--Araz.net, © 2010. Tolos derechos reservaos.
Contador Estadistiques