Tema VI: Les preposiciones

a, ante~énte, baxo, cabo~co, contra~escontra, de, dende, en, ensin, ente, fasta~hasta, hacia~haza, pa, per, por, según, sin~ensin, so, sobre~sobro, tres.

Observaciones

Pa amás del so significáu de dirección au se va tien tamién el significáu de llugar onde se ta:

Güei nun tán equí, tán pa Xixón (Hoy no están aquí, están en Xixón)

Ante / Énte tien el significáu de "delantre de".

Taba falando con Xuan ante casa (Estaba hablando con Xuan delante de casa)

Ente tien el significáu de "nel mediu d'otros oxetos".

Escontra amás del so sentíu d'oposición a daqué indica dirección hacia onde se va o aproximación espacial o temporal:

Foron escontra Uviéu (Fueron hacia Uviéu)

Per y Por

Per tien n'asturianu un usu d'espaciu y tiempu.
Por tien usu causal

Per

Úsase pa referise a:

a) Llugar per onde se va y sitiu onde se ta:

Baxa pela cai (Baja por la calle)

Anden pel camín (Andan por el camino)

Van per casa tolos díes (Van por casa todos los días)

Vieno per Payares (Vino por Payares)

b) Tiempu pel que pasa daqué:

Foi pela mañana (Fue por la mañana)

Fíxolo per xineru (Lo hizo en enero)

Trabayen pel día, non pela nueche (Trabajan por el día no por la noche)

Por

Úsase nel restu de les ocasiones:

La obra ta fecha pol conceyu (La obra está hecha por el municipio)

Púnxose malu por nun beber (Se puso malo por no beber)

Vendiéren-ylu por venti mil euros (Se lo vendieron por veinte mil euros)

¡Repara!

Nun ye lo mesmo:

a) Trabayar por Asturies (a favor d'Asturies)

Trabayar per Asturies (a lo llargo d'Asturies)

b) ¿Por qué lo faes? ¿Por qué lo haces?

¿Per qué camín lo faes? ¿Por qué camino lo haces?

Xuntures de preposiciones

N'asturianu ye mui común xuntar dos preposiciones:

Pa en: Déxalo pa en casa.

Pa con: Ye mui atentu pa cola familia.

Pente (per+ente): Taba pente'l matu.

Tres de: Guardárense tres del coche.

Exercicios

Emplega les preposiciones pa completar los espacios en blanco. Per o por, en munchos casos, va facer falta que faigas contriaiciones per/ por + artículu: Cuando estes dos preposiciones van siguíes d'un artículu (el/ la/ los/ les/ lo) pierden la "r".

Exemplu:

Présta-y andar ..... el monte tolos domingos …. facer un poco d'exerciciu.

Solución: pel, pa

¿Cuánto me cobra ..... estos pantalones?

 

Tríxome .... Grao …. venir a Cangas (Me trajo por Grao para venir a Cangas)

 

El coche ta aparcáu .... casa (El coche está aparcado delante de casa)

 

La escuela del pueblu ta .... la ilesia y la Casa Conceyu (La escuela del pueblo está en medio de la iglesia y el Ayuntamiento)

 

Lleva equí .... lo menos dende les diez de la mañana (Lleva aquí por lo menos desde las diez de la mañana)

 

Fui .... mio güela, que taba na estación (Fui hacia donde mi abuela, que estaba en la estación)

 

Vieno …. el branu …. tar cola familia unos díes (Vino en verano para estar con la familia unos días)

 

Tán ..... L'Infiestu corriendo una maratón (Están en L'Infiestu corriendo una maratón)

 

Nel futuru toles comunicaciones van facese ... la rede (En el futuro todas las comunicaciones se van a hacer por la red)

 

Colocó’l balón ... la portería y el puntu penalti (Colocó el balón entre la portería y el punto de penalti)

 

Nun se rinde ... un rival más fuerte qu’él (No se rinde delante de un rival más fuerte que él)

 

Suel ser mui testerón ... llabores del so güertu (Suele ser muy cabezón con las labores de su huerto)

 

Camuda la parte sorrayada pola forma afayaíza de por/per

Baxó al traviés de la canal

 

A causa d’una avería llegó tarde

 

Como consecuencia de la lluvia, inundóse la cai

 

Lluchemos a favor de la nuesa llingua

 

Durante’l branu, voi a la playa

 

En tiempu de seronda facemos amagüestos