Gracies al llabor d’Iniciativa pol Asturianu, los usuarios de Skype na so versión pa Windows yá pueden disfrutar en llingua asturiana d’esti popular programa de comunicaciones. Pa ello, namái han de siguir siete pasos cenciellos.
Na mañana del sábadu va celebrase nel Auditoriu d’Uviéu’l I Congresu Cultura Asturiana Mozo, del que yá se conoz un avance del programa. La inauguración de la xornada, que va zarrase con un alderique xeneral, ta prevista pa les 11 hores.
Vítor Suárez, vicepresidente d’Iniciativa pol Asturianu, participó na I Nit de la Llengua al Món Digital ‘Viquimarató’ celebrada la selmana pasada en Barcelona. La so función foi tornar al asturianu artículos sobre la llingua catalana pa Uiquipedia.
La Fundación Belenos yá tien abierta la matrícula pal Seminariu d’Estudios Asturianos, que tien llugar en La Puela y qu’esti añu vive la so decimocuarta edición. El tema a tratar ye ‘La güelga celta n’Asturies: un averamientu interdisciplinar’.
La perda de conexones que ta viviendo l’Aeropuertu d’Asturies nun presta a los nuesos usuarios. El 71 por cientu de los llectores d’Asturies.com vería bien que’l Gobiernu ‘subvencione’ a aerollinies pa l’apertura de rutes nueves.
El cantar ‘La danza’ de Dixebra va ser ún de los 33 temes que componen el proyeutu musical internacional ‘33 RPM: voices of the revolution’, que va tar na rede a partir del llunes. El so oxetivu ye investigar y difundir la creatividá en sitios en conflictu.
Illán ye un neñu del Colegio Marista Auseva que, como otros munchos en tol país, nun tien maestru de Llingua Asturiana. Iniciativa pol Asturianu y los padres del uviedín nun descarten llevar esta situación a los tribunales.
‘Los nomes de llugar nun tienen preciu’ ye’l nome de la campaña qu’entama Samartín del Rei Aurelio pa reforzar l’usu de los topónimos tradicionales, agora oficiales, ente la población. L’alcalde Fernández participa de forma activa.
La Oficina de Normalización Llingüística presento’l domingu’l ‘Pallabreru de los bolos de Xixón’, obra de Carlos Suari. Nel actu, l’edil Carlos Rubiera afaló a la Federación a contar n’asturianu nes partíes y frenar asina “una perda mui seria”.
La federación de partíos Compromisu por Asturies celebró’l sábadu en Xixón un conceyu abiertu nel qu’anovó la so executiva. Daniel Fernández ye’l voceru nacional nuevu de la organización, sustituyendo nel cargu a Yolanda Huergo.
