El Reglamentu de Desarrollu de la Llei de Patrimoniu Cultural d’Asturies ye “ineficaz” y “insuficiente” pa Foro, que presenta alegaciones al mesmu. Critica que nun mente l’asturianu nin el gallego-asturiano, ente otres carencies del anteproyeutu.
L’alcalde socialista de Noreña, César Movilla, torna a protagonizar una falta de respetu a la ciudadanía por mor de la so llingua. Nesta ocasión niega l’usu d’un llocal municipal a un coleutivu de paraos por solicitalo n’asturianu.
Nun Conceyu Abiertu celebráu’l sábadu pol procedimientu d’urxencia, Compromisu por Asturies decidió sofitar y participar nel procesu constituyente de Podemos Asturies. Ésti ye un proyeutu políticu xestáu alredor del televisivu Pablo Iglesias.
L’investigador Pablo Suárez García, responsable de la torna al asturianu de ‘Tirant lo Blanch’, ye l’autor d’una traducción nueva al nuesu idioma d’una obra del Sieglu d’Oru valencianu. Trátase de ‘Tragèdia de Caldesa’, de Joan Roís de Corella.
El Conceyu de Samartín del Rei Aurelio pretende facilitar l’accesu al dolmen de la campa L’Españal pa potenciar esti monumentu prehistóricu. De momento acondicionóse l’entornu y va procedese a ameyorar la señalización.
Tovía ta en pruebes, pero yá ta teniendo una repercusión amplia ente los usuarios asturianos. Trátase d’Atopa, buscador tipo Google basáu en software llibre que tien la particularidá de tratar namái conteníos que tien ver col país.
La situación del asturianu na RTPA y el camín qu’abre ‘El rostru impenetrable’ centraron la charra mensual de la asociación Ástura. Pa Damián Barreiro, “destinar dineru al doblaxe n’asturianu nun ye un gastu; ye una inversión”.
La compañía de seguridá estauxunidense Proofpoint detectó a primeros d’añu lo que considera’l primer ciberataque nel que s’utilicen dispositivos non convencionales. Ente los aparatos usaos destaquen una nevera y dellos televisores intelixentes.
La escritora valdesana María Esther García López presentó na Casa Cultura de Ḷḷuarca’l llibru ‘Alredor de la Quintana: animales y otros bichos’. Ésti recueye 17 artículos nel que fai memoria de 21 especies venceyaes a les aldees asturianes.
