Naz Atopa, un buscador tipo Google que trata namás conteníu asturianu

|

Tovía ta en pruebes, pero yá ta teniendo una repercusión amplia ente los usuarios asturianos. Trátase d’Atopa, buscador tipo Google basáu en software llibre que tien la particularidá de tratar namái conteníos que tien ver col país.

Marcos Costales, el so desarrollador, sigue asina’l camín qu’anició 'Úlos?', buscador desendolcáu por Araz –empresa editora d’Asturies.com– na década de los 90 y que tuvo activu hasta’l 2005. Según esplica, Atopa “básase en software llibre pa percorrer de manera automática les páxines web y quédase sólo coles que tan n'asturianu o en castellanu que traten conteníu asturianu”.

La intención cola que naz esta ferramienta nueva ye la de dar “un serviciu cenciellu” a aquellos usuarios que quieran “buscar daqué rellacionao con Asturies” na rede. Pa ello, fai  busques non influenciaes, ufriendo aquelles páxines que considera más acertaes. Nestos momentos Atopa ta en pruebes, polo que Costales anima a toles persones que quieran collaborar col proyeutu a aportar webs que puedan ser interesantes a la hora d’utilizala. 

 

Contador Estadistiques